1Wadyad sayan libro iray sinalita nen Moises ed saray totood Israel nen wala rad kalawakan a nibokig na Ilog na Jordan. Diad saman a panaon wala rad Patar na Jordan ya asingger ed Suf, diad nanleetan na baley na Paran ed sakey a dapag tan saray baley na Tofel, Laban, Hazerot, tan Dizahab diad sananey a dapag. (
2Labinsakey ya agew ya akaren so manlapud Palandey na Sinai ya anggad Cades-barnea, no say kapokdulan na Edom so dalanen.)
3Diad ononan agew na kumalabinsakey a bulan na kumaapataplon taon kayari ran tinaynan so Egipto, imbaga nen Moises ed saray totoo iray amin a bengatlan ingganggan na Katawan ya ibaga tod sikara.
4Agawa ya sanen tinalo na Katawan
si Sehon ya ari da ray Amorreo a nanoley ed baley na Hesbon, tan si Og ya ari na Basan a nanoley ed saray baley na Astarot tan Edrei.5Nen saray totood Israel et wala rad bokig na Jordan a sakop na dalin na Moab, inggapo nen Moises ya impaliwawa iray ganggan tan saray bangat na Dios.
Inkuanto,
6Nen wala itayo nid Palandey na Sinai, say Katawan a Dios tayo inkuantod sikatayo, Abayag lay panaayam yo diad sayan palandey.
7Alis kayo la tan laka yod kapokdulan a dalin da ray Amorreo tan diad saray kaliber-liber a pasendiad Patar na Jordan, diad kapokdulan tan saray abeban pasen, diad niabalaten a pasen, tan diad gilig na Mediteraneo. Laka yod dalin na Canaan tan tuloy kayod labas na Kapalandeyan na Libano ya anggad baleg ya Ilog na Eufrates.
8Amin da ra yan pasen et sikaray dalin ya insipan ko, siak a Katawan, ya iter ed saray lalaki yon di Abraham, Isaac, tan Jacob, tan diad saray kabyangay boleg da. Laka yo sirin tan panayaman yo.
Anoro na saray Huis si Moises(Exo. 18:13-27)9Inkuanen Moises ed saray totoo, Nen wala itayo nid man ed Palandey na Sinai, inkuankod sikayo, Ag ko la nayarian a gawaen a bokur so pangipangulod sikayo.
10Say Katawan a Dios yo et impagmaliw to kayo la natan a singa karakel na bitewen ed tawen.
11Oy la komun ta say Katawan a Dios na saray lalaki yo et maminlibo to kayo nin parakelen tan paaliguasen to kayo, onung na insipan to!
12Balet panon kon sakbaten a bukor so belat na panariglod saray kolkolan yo?
13Mamili kayod saray tribu yo na saray lalakin makabat, mapangasi, tan walaan na saray salsalid panagbilay, ta ipasen ko ran makaoley ed sikayo.
14Inmabubon kayo a sikato yay maung a gawaen.
15Kanyan inalak iray pinili yon pangulod saray tribu yo a lalakin makabat tan walaan na saray salsalid bilay, insan ko ra impasen a makaoley ed sikayo. Pigarad sikara so makaoley ed tunggal libon totoo, tunggal lasus, tunggal limamplo, tan tunggal pulo. Anoro ak met na saray arum ya opisyal ed amin da ray tribu.
16Diad saman a panaon binilin ko ra, Salaysay yo ray totoon mankokolkol. Apiger yon sintinsiaan so anggan dinan a kolkolan na saray dilin totoo yo odino kolkolan na saray sangkailin manaayam ed kawalaan yo.
17Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.
18Ontan met, diad saman a panaon binilin ta kayo no anto ray nepeg a gawaen yo.
Nibakin manlapud Cades-barnea iray Ispia(Bil. 13:1-33)19Ginawa tayo so ingganggan ed sikatayo na Katawan a Dios tayo. Tinaynan tayo so Palandey na Sinai tan bineltang tayoy maawang tan makapataktakot a kalawakan diad inyakar tayod kapokdulan a dalin da ray Amorreo. Nen asabi tayoy Cades-barnea,
20-21imbagak ed sikayo, Wadya kayo la natan ed kapokdulan a dalin da ray Amorreo ya iiter ed sikatayo na Katawan a Dios tayo, say Dios na saray lalaki tayo. Nengneng yo, satan la man so dalin. Laka yo ta panayaman yo onung na ingganggan to. Ag kayo manduaruwa odino ontatakot.
22Balet dinmago kayod siak tan kuanyo, Mangibaki tayo na totoon mangispia ed saman a dalin, pian nibaga rad sikatayo no dinay sankamaungan a dalanen tayo tan no antoy kipapasen da ray siudad diman.
23Marakep imay kuanyon gawaen, kanyan amili ak na labinduan lalaki, sakey ed balang tribu.
24Linma rad kapokdulan a dalin ya anggad Patar na Escol tan ninengneng da so dalin.
25Nen pinmawil ira angisempet ira na saray bungay kiew diman, tan imbaga ran mataba-taban dalin so iter ed sikatayo na Katawan a Dios tayo.
26Balet sinumlang yo so ganggan na Katawan a Dios yo, tan ag yo nilabay so onloob ed dalin.
27Nangoro-ngoro kayo tan inkuanyod sakey tan sakey, Kabosul itayo na Katawan. Impaway to itayod Egipto ta ipalima to itayod saray Amorreo, et diad ontan napatey da itayo.
28Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!
29Balet inkuankod sikayo, Ag kayo natatakot ed saraman a totoo.
30Iwanwan kayo na Katawan a Dios yo, tan milaban para sikayo, a singa anengneng yon ginawa to ed Egipto
31tan diad kalawakan. Anengneng yo no panoy abig na impangyakar tod sikayo diad sayan pasen, singa sakey ya aman angawit na melag a lakin anak to.
32Balet anggaman ya onmay imbagak, ag yo nin siansia nanmatalkan so Katawan,
33anta lawas inonaan to kayo a mananap na pasen a pankampoan yo. Pian nanengneng yoy dalanen yo, nanayam ed onaan yo a sakey a lusek ya apoy no labi tan sakey a lusek a lorem no agew.
Dinusa na Katawan so Israel(Bil. 14:20-45)34Nadngel na Katawan iray riklamo yo et akapasnuk, kanyan sinambaan ton inkuan,
35Anggapoy anggan sakey ed sikayo a kabyangan na sayan kailalakan so makaloob ed mataban dalin ya insipan kon iter ed saray lalaki yo.
36Si Caleb a lakin anak nen Jefone so makaloob labat ed dalin. Nansiansian matoor ed siak, kanyan iter kod sikato tan saray kabyangay boleg to so dalin ya inispiaan to.
37Lapud sikayo say Katawan akapasnuk met ed siak tan kuanto, Anggan sika, Moises, ag ka makaloob ed dalin.
38Balet pabiskeg moy linawa na katulongan mon si Josue a lakin anak nen Nun. Ipangulo to ray Israelita ed panakop dad dalin.
39Insan inkuan na Katawan ed sikatayon amin, Saray ogogaw nin anak yo ya ag da amtay maung tan maoges so makaloob ed dalinsaray anak yon ibabaga yon singkaten ira na saray kalaban yo. Iter kod sikara so dalin, tan panayaman da.
40Balet sikayo ran totoo, poliktar kayo ta pawil kayod kalawakan diad dalan a mamaarap ed Dayat na Akaba.
41Inmebat kayo, Moises, nankasalanan kamid Katawan. Balet natan ondogpa kami, onung na ingganggan ed sikami na Katawan a Dios tayo. Insan namparaan a mibakal so balang sakey ed sikayo, tan inilaloan yon mainomay a looban so kapokdulan a dalin.
42Balet inkuan na Katawan ed siak, Pasakbayan mo ran ag ira ondodogpa, ta ag ko ra ibaan, kanyan taloen ira na saray kalaban da.
43Imbagak ed sikayo so impaibaga na Katawan, balet ag yo dinengel. Sinmumlang kayod sikato, tan mamaung kayon amaarap ed kapokdulan a dalin.
44Insan pinmaway a singa karakel na bayaung iray Amorreon manaayam ed saman a kapokdulan tan nilabanan da kayo. Inosilan da kayo ya anggad Horma tan tinalo da kayod kapokdulan a dalin na Edom.
45Kanyan kinmerew kayod Katawan na tulong to, balet ag to kayo dinengel, ni inimano.
Say Impanayam dad Kalawakan46Kanyan sirin, kayari na abayag tin impanayam ed Cades,
Who We AreWhat We EelieveWhat We Do
2025 by iamachristian.org,Inc All rights reserved.
