1Oy la komun a sakey kan agik a laki,
ya inasikaso na inak ed pagew to.
Diad satan, no naabet ta kad dalan,
nayarian ta kan anguban, et anggapoy walad karaklan.
2Iyakar ta kad abung nen inak,
a dimay pangibangatan mod siak no antoy kabaliksan na panangaro.
Itdan ta kay masamsamit ya alak,
say alak kon ginawad bungay granada.
3Danganan ko so kawigin taklay mo,
tan poyuken ak na kawanan a limam.
4Isipan yod siak, sikayon bibiid Jerusalem,
ya ag yo kami sisigensigenen ed arowan min dua.
Say Kumanem a KantaSaray Bibii5Siopa yay onsasabin manlalapud kalawakan,
ya akatabin ed inaro to?
Say BiiBinangon ta kad silong na mansanas,
diad pasen a nianakan mo.
6Siak labat so arom;
siak labat so lakap mo.
Makapanyari tan mabiskeg a singa patey so aro.
Onliuliub a singa pool.
7Ag naerep na danum so aro;
ag nalener na anggan anton delap.
Balet no walay manali a saliwen to na kayamanan to so aro,
bosul lalaingen so nagunggona to.
Saray Lalakin Agagi na Bii8Walay agi min bii a katayatdang,
tan kamoktil niy suso to.
Antoy gawaen mid sikato
no karawen na sakey a tobun-balo?
9No komun ta sikatoy sakey a padir,
ipaalageyan mi na pilak a tori.
Balet no sikatoy sakey a puirta,
paliberan mi na saray tablan sidro.
Sa Bii10Sakey ak a padir,
tan saray susok so tori to.
Amta na inarok a narumog kod sikato
so inawa tan kareenan.
Say Laki11Si Solomon walay kaubasan to ed
sakey a pasen a tatawagen na Baal-hamon.
Wala ray dumaralus ya angabang ed sikato,
balang sakey ed sikara nambayar na pilak a kuarta a sanlibo.
12Solomon, kayaryan mo la tay sanlibon pilak a kuarta,
tan saray dumaralus kayaryan da lay duanlasus a pilak a kuarta.
Wala met so kayaryan kon dili a kaubasan.
13Dengelen ko pay bosis mod tanamanan, O inarok;
saray kakaarok et manaalagar iran ondengel ed sika.
Say Bii14O Inarok, gala diad siak, ganatan mon singa korso,
singa kalakyan a kilaw na ulsa ed kapalandeyan a tutuboan na tanaman a gagawaen a pabalingit.
Who We AreWhat We EelieveWhat We Do
2025 by iamachristian.org,Inc All rights reserved.
