1Lapud ganggan nen Impirador Sargon na Asiria, dinogpaan na pangulo na saray sondalo na taga Asiria so Asdod a siudad na Filistia.
2Taloy taon kasakbayan na sayan agawa, imbaga na Katawan ed kinen Isaias a lakin anak nen Amoz ya ekalen to ray sandalya to tan say insolung ton sako. Inmonur si Isaias tan nanliber-liber a kasali-sali tan labus-lakseb.
3Nen adakep so Asdod, inkuan na Katawan, Diad loob na taloy taon, si aripen kon Isaias et nanakar-akar a labus-lakseb tan kasali-sali. Sikato yay tanda na nagawa ed Egipto tan Sudan.
4Say ari na Asiria itaynan to ray labus-lakseb a prison adakep tod sarayan duan bansa. Malangwer may matakken, manakar a kasali-sali tan labus-lakseb, sankanengneng so ebet da, tan mangiter ya na kababaingan ed Egipto.
5Saray nanmatalek ed Sudan tan saray angikinon ed Egipto et nabaingan ira tan naekalan iray ilalo.
6No onsabiy tan a panaon, ibaga na saray totoon manaayam ed gilig na dayat na Filistia, Nengneng yoy agawad saray totoo a nanmatalekan tayon mangyagel ed sikatayod impirador na Asiria! Panoy pakaliktar tayo?
Who We AreWhat We EelieveWhat We Do
2025 by iamachristian.org,Inc All rights reserved.
