1Bix e wila juntl jawnex techel twitz cyaꞌj in jaw kleeꞌya tiꞌj. At wuuktl tsanjel Dios tuj cyaꞌj, bix kꞌiꞌn wuuk xitbil tchiyonelxsen cyuꞌn, jatzen mancꞌbil xitbil jlu, cuma ojtzen tjapan baj kej lu, otktzen japan baj tkꞌoj Dios tuj ja tyem lu.
2Jax juꞌx e wila jun chkꞌajlaj tisencꞌa jun mar te viiyre smoꞌn tuya kꞌakꞌ. Waꞌlke tibaj ja mar lu kej ocslal min otk chi ten tjakꞌ tcawbiljil jil kaꞌxsen bix twitz tsantjil bix tajlal tbijil. Tzyuꞌn cyuꞌn kej arpa otk tzaj tkꞌoꞌn Dios cye.
3Bix e bitzenke jun bitz, jatzenj bitz e t-xnakꞌtza Moisés, jt-akꞌanal Dios, cye xjal jatxe ootxa, jbitz e cybitze xjal tej Tal Carnel mas yaj. Tzin tkbaꞌn bitz cyjulu: “Jawnex bix nintzaj tbinchbena, jay Kaaw Dios te cykil tipemala. Jiquenxix bix jaxxix jnbint tuꞌna, jay Cawel tibaj cykilca tnom.
4Kman Dios, cykilca xjal il tiꞌj chi nimal jay bix il tiꞌj chi nimsal tbiy, cuma nuk oꞌcx jay xjan. Cykilca xjal tuj cykilca tnom chi pomel cywitza tuꞌn cysuken t-xeeꞌ tkena, cuma ma cub tkꞌoꞌna cycastiwa xjal kaꞌ kwitza,” tz̈i bitz.
5Tbajlenxitltzen jlu, oc ncyeꞌyena juntl maj, bix e wila tej tjket jcwart mas xjan tuj tja Dios, jatztzen tocx jxak tzꞌiꞌben tley Dios twitz.
6Bix etz tuj tja Dios kej wuuk ángel kꞌiꞌn kej wuuk xitbil tchiyonelxsen cyuꞌn. Toc cyxbalen sakxix bix nkoptzꞌaj, bix toc jun cyqꞌuelbil ttziiꞌ cyxuucꞌ te oro.
7Bix jun wik cyxol kej cyaja jawnex wik iꞌtz e xiꞌ tkꞌoꞌn wuuk lak te oro cyej wuuk ángel, jun te jaca juun. Nojne ke lak tuya tkꞌoj Dios iꞌtz te junx maj.
8Bix e noj tja Dios tuya sib tuꞌnj tspiꞌyen Dios bix tipemal, bix min-al jun baꞌn tuꞌn tocx tuj tja Dios tejxe tbaj kej wuuk xitbil tchiyonelxsen kꞌiꞌn cyuꞌn wuuk ángel.
Who We AreWhat We EelieveWhat We Do
2025 by iamachristian.org,Inc All rights reserved.
