1Yaltzen jaꞌlewe, key ocslal, tuꞌn tpon baj kyola, cxeꞌl kcubsaꞌna kwitza cyey tuꞌn cynaꞌna Dios kiꞌja, tuꞌntzen kcamana tuꞌn tabij tpocbal Kaaw cyuꞌn nim xjal, bix tuꞌn tnimj cyuꞌn xjal, tisen e baj tej tpon tpocbalxin cyxola.
2Jax chi naꞌna Dios kiꞌja tuꞌn kcleta tuj cykꞌab kej xjal yaaꞌn baꞌn. At xjal kaꞌ, cuma yaaꞌn cykilca xjal at cyocslabl tiꞌ Cristo.
3Yaltzen te Kaaw, cbinel tuꞌnxin jma tkbaxin tuꞌn tbint tuꞌnxin, bix ctzaal tkꞌoꞌnxin cyipemala tuꞌn miꞌn cub cyiꞌja tuꞌn taaw il.
4Bix n-oc ke kcꞌuꞌja tiꞌjxin tuꞌn ttzaj tonenxin cyiꞌja tuꞌn tbint cyuꞌna jma txiꞌ kkbaꞌna cyey, yaaꞌn nuk jaꞌlewe, juꞌx cyuj kꞌij chi ul.
5Bix tzajxit tkꞌoꞌn Kaaw tuꞌn toc takꞌ Dios cyey bix tuꞌn tten cypasensyey tisen te Cristo.
Il tiꞌj tuꞌn kakꞌanan6Jaꞌlewe, key ocslal, tuꞌnj kipemala kꞌoꞌn keya tuꞌn Kaaw Jesucristo, cxeꞌl kkbaꞌna cyey tuꞌn tel cypaꞌn cyiiba cyiꞌj kej ocslal cycyꞌi tuꞌn t-xiꞌ cykꞌon cyiib tiꞌ akꞌuntl bix cycyꞌi tuꞌn t-xiꞌ cyiiꞌn cychunkꞌlal tisen e xiꞌ kxnakꞌtzaꞌna cye.
7Baꞌn cyuꞌna tuꞌn cyxiꞌ lpey tiꞌj jyecꞌbil e cyaj kkꞌoꞌna, cuma yaaꞌn cyꞌaj koꞌya tej ktena cyxola.
8Min e waaꞌn koꞌya ka min e chjet kuꞌna. Akꞌanan koꞌya te kꞌij bix te koniyan bix nim e sict koꞌya tuꞌn kitzꞌja, tuꞌn miꞌn cub kkꞌoꞌna jun iketz cyibaja.
9Amale atet koclena tuꞌn kwaaꞌna cyiꞌja, pero akꞌanan koꞌya tuꞌn tcnet kwaya, tuꞌntzen t-xiꞌ kkꞌoꞌna jun yecꞌbil cyey ti tten tuꞌn miꞌn chi tena cyꞌaj.
10Bix yaaꞌn nuk jlu, sino tuyax e xiꞌ kxnakꞌtzaꞌna cyey, ka at jun xjal tcyꞌi tzꞌakꞌanan, jax miꞌn waaꞌn.
11Nchin tzꞌiꞌbena juꞌwa cuma ma kbiꞌya at juun cyxola min nxiꞌ cyiiꞌn cychunkꞌlal tuj tumel. Min chi akꞌananxin, sino nuk n-ex cykꞌij ttziiꞌ cyja xjal.
12Tuꞌnj yol kꞌoꞌn keya tuꞌn Kaaw Jesucristo, cxeꞌl kkbaꞌna cyej xjal cyꞌaj lu tuꞌn miꞌn nuk tzꞌex cykꞌij, sino tuꞌn cyakꞌananxin, bix tuꞌn cywaaꞌnxin cyexxin cywaxin.
13Perotzen cyey, key ocslal, miꞌn cyaj cykꞌoꞌna tuꞌn cybinchantiya jbaꞌn.
14Katzen at jun ocslal tcyꞌi tzꞌoc tbiꞌn ja yol tiꞌj akꞌuntl nxiꞌ ktzꞌiꞌbena tuj ja kuꞌja lu, cykbanxa cye ocslal, bix miꞌn chi waaꞌna tuyaxin, tuꞌntzen tnaꞌntexin tchꞌixewxin.
15Pero miꞌn tzꞌoc cykꞌoꞌna tisen jun aj kꞌojxin cyiꞌja. Nuk oꞌcx tuꞌn t-xiꞌ cykꞌoꞌna xnakꞌtzbil texin tisen jun ocslalxin.
Jun kꞌolbebl tuꞌn Pablo te mancꞌbil yol16Nuk ja Kaaw kꞌolte kmojbabl kiib. Tzajxit tkꞌoꞌnxin tuꞌn cytena tuj ttz̈yal jaca kꞌij. Tenxit-xin cyuyey cykilcakey.
17Inayena, Pablo, ncub ntzꞌiꞌbena ja mancꞌbil yol tzalu, tisenx nbint wuꞌna tuj cykilca wuꞌja, tuꞌn tel cyniꞌya tiꞌj yaaꞌn juntl nxiꞌ tzꞌibente ja uꞌj lu, sino inayenxa.
18Tenxit t-xtalbil Kaaw Jesucristo cyuyey cykilcakey.
Oꞌcx nyolja.
Who We AreWhat We EelieveWhat We Do
2025 by iamachristian.org,Inc All rights reserved.
