1Nxiꞌ ntzꞌiꞌbena cyey tiꞌj Cristo, Yol Iꞌtz Kꞌolte Kchunkꞌlal te Junx Maj. Tej mitknaꞌx tbint twitz cyaꞌj bix twitz txꞌotxꞌ, ya attl. O kbiꞌna jaxin, ejooꞌya t-xelxin, bix o kila tuꞌn tbakꞌ kwitza. O tzꞌoc kcyeꞌyena, bix o tzꞌoc kmocoꞌna tuꞌn kkꞌaba.
2E tzaj tyeecꞌan jun chunkꞌlal tzin tkꞌoꞌn Dios, bix oc kcyeꞌyena. Jaxxix kuꞌna. Bix keya kaakꞌen tuꞌn t-xiꞌ kkꞌumente cyey ti tten kchunkꞌlal ntzaj tkꞌoꞌn Dios te junx maj. E ten jxjal kꞌilte kchunkꞌlal tuya Kman Dios, bix e tzaj tyeecꞌan te keya ti tten tnaabl Dios.
3Bix j-o kila bix j-o kbiya, ja tzunja nxiꞌ kkꞌumena te cyey, tuꞌntzen jax juꞌx cyey tenxit cymojbabl cyiiba tuya Kꞌolte cychunkꞌlala, tisen keya at kmojbabl kiiba. Tzin nkbaꞌna at kmojbabl kiib tuya Kman Dios bix tuya Tcwalxin, Jesucristo.
4Nxiꞌ ntzꞌiꞌbena kej yol lu tuꞌn cytzalaja kuyena.
Ja te Kman Dios jun spiꞌyen5Jatzen yolja e kbiya te Jesucristo bix nxiꞌ kkꞌumena te cyey, cyjulu: Ja te Dios spiꞌyen, bix mintiiꞌ chꞌin klolj at tuya.
6Ka nxiꞌ kkbaꞌn at kmojbabl kiib tuya Dios pero ka nko bet tuj klolj, nko ẍtakꞌentzen, bix min nkoꞌx lpe tiꞌj yol jaxxix.
7Pero ka nko bet tuj spiꞌyen, tisen te Dios at tuj spiꞌyen, attzen kmojbabl kiib kxolx, bix txjoꞌn koꞌ tiꞌ cykilca kil tuꞌn tcyamecy Jesucristo, Tcwal Dios.
8Katzen nxiꞌ kkbaꞌn mintiiꞌ kil, ncub ksbun kiib, cuma min nxiꞌ kocslaꞌn yol jaxxix tiꞌj ti kten.
9Pero ka nxiꞌ kkbaꞌn kil twitz Dios, cnajseteltzen kil tuꞌnxin, bix qꞌuelel ttxjoꞌnxin kanem tiꞌ cykilca il, cuma cbinel jma cyaj tkbaꞌnxin, bix at toclen tuꞌn tcub tnajsaꞌnxin kil, cuma ma cyim Tcwalxin tuꞌn tchjet kil.
10Pero ka nxiꞌ kkbaꞌn min nko binchan il, nxiꞌ kkbaꞌn ka ẍtakꞌ Dios, bix min nxiꞌ kocslaꞌn yol tiꞌj ti kten.
Who We AreWhat We EelieveWhat We Do
2025 by iamachristian.org,Inc All rights reserved.
