Откровение 6 - Нов превод на Новиот Завет 2023（MAK2023）

Отворање на првите шест печати

1И видов кога Јагнето отвори еден од седумте печати, и чув едно од чети­рите суштества кое проговори како со глас на грмотевица: „Дојди и види!“

219,11; Зах 1,8-10; 6,1-3И видов, ете, бел коњ, и на него ја­вач со лак; и Му беше даден венец, и тој излезе како победник, за да победи.

3А кога го отвори вториот печат, чув како проговори второто суштество: „Дојди!“

4Ез 21,13-15И излезе друг коњ, огнено црвен; и на јавачот му беше дадено да го земе мирот од земјата, та еден со друг да се убиваат; и му беше даден голем меч.

5Зах 6,2И кога го отвори третиот печат, чув како проговори третото суштество: „Дојди и види!“ И видов, ете вран коњ, а на него јавач со вага во својата рака.

6И чув глас среде четирите суштества, што велеше: „Шиник пченица за де­нариј, и три шиника јачмен за денариј; а маслото и виното не ги оштетувај!“

7И кога го отвори четвртиот печат, чув како проговори четвртото суштество: „Дојди и види!“

81,18; Ер 14,12; 15,3; Ез 5,12.17; Ос 13,14И видов, ете, сив коњ, а на него јавач, чиешто име беше Смрт; и адот врвеше по него, и му се даде власт над четвртина од земјата – да убива со меч и глад, со помор и земни ѕверови.

920,4А кога го отвори петтиот печат, под жртвеникот ги видов душите заклани заради словото Божјо и заради сведоштвото на Јагнето, што го имаа

1011,18; 18,20; 19,2; 5 Мојс 32,43; 4 Цар 9,7; Зах 1,12; Пс 78,10; Лк 18,7и викаа со силен глас, велејќи: „До кога, Владико, свети и вистинити, нема да судиш и да им вратиш за на­шата крв на оние што живеат на земјата?“

113,5.18И на секого од нив му се даде бела облека, и им беше речено да почиваат уште малку време, додека не се исполни бројот на нивните сотрудници и браќа, што ќе бидат убиени, како и тие.

12Ис 13,10; 50,3; Јоил 3,3; Мт 24,29; Дела 2,20

8,12; Јоил 2,10; Мт 24,29И видов, кога го отвори шестиот печат, и настана голем земјотрес, и сонцето стана црно како вреќа од кострет, и целата месечина стана како крв;

13Ис 34,4ѕвездите, пак, небесни паднаа на земјата, како што смоквата нишана од силен ветар ги исфрла своите незрели смокви;

1416,20и небото исчезна како свиен свиток, и секоја гора и секој остров се по­местија од своите места;

15Ис 2,10.19.21; Ер 4,29и земните цареви, и големците, и началниците, и богатите, и силните, и секој роб и слободен се скрија во пеш­те­рите и горските карпи,

164,2; Ис 2,10.19; Ос 10,8; Лк 23,30велејќи им на горите и на кар­пите: „Паднете врз нас и скријте нѐ од лицето на Оној што седи на престолот и од гневот на Јагнето,

17Јоил 2,1.11; 3,4; Мал 3,2; Рим 2,5зашто дојде великиот ден на Не­го­виот гнев, и кој ли може да опстане?“