1 Тимотеј 6 - Нов превод на Новиот Завет 2023（MAK2023）

За потчинетите

1 Рим 2,24; 1 Кор 7,21-22; Ефес 6,5-8; Кол 3,22-25; Тит 2,9-10 Робовите, што се под јарем, нека ги сметаат своите господари достојни за секаква по­чест, за да не се хули Божјото име и учењето.

2Оние, пак, чии господари веруваат, нека не ги презираат зашто им се браќа по вера; туку уште поусрдно да им служат, зашто оние на кои добро им служат се верни и возљубени.

Погрешните учења и вистинското благочестие

3 1,10; Гал 1,8.9; 2 Тим 1,13 Така поучувај и советувај! Ако некој поучува поинаку и не се води според здра­вите зборови, оние на нашиот Господ Исус Христос, и според благочестивото учење,

4Рим 1,29тој се возгордеал и не знае ништо, туку има болна желба за расправи и за празни препирки од кои произлегуваат завист, кавги, хулење, зли мисли;

52 Тим 3,8постојани препирки меѓу луѓето што се со изопачен ум и се лишени од вистината, па мислат дека благочестието е средство за добивка. Бегај од такви!

6Фил 4,11-12; Евр 13,5И навистина, благочестието е голема добивка кога е здружено со чувство на задоволност.

7Јов 1,21; Проп 5,14Бидејќи ништо не сме донеле на светов, јасно е дека ништо не можеме ниту да однесеме.

8Но кога имаме храна и облека, да бидеме задоволни со тоа.

9А оние што сакаат да се збогатува­ат, паѓаат во искушение, во стапици и во многу неразумни и штетни страсти, што ги потопуваат луѓето во пропаст и погибел.

10Мт 6,24Зашто среброљубието е коренот на сите зла; а некои, пре­да­вајќи му се, се отклонија од верата и си нав­ле­коа многу маки.

Правилно исповедање на верата

11 1 Кор 13,13; Гал 5,22; 2 Тим 2,22; 4,7; Тит 2,2 Но ти, човеку Божји, бегај од овие нешта и стреми се кон праведност, благочестие, вера, љубов, трпение и кротост!

12Војувај ја добрата војна на верата; освој го вечниот живот за кој си повикан и за кој си дал добра исповед пред многу сведоци.

132,6; Јн 18,36-37Ти заповедам пред Бога, Кој оживотворува сѐ, и пред Христос Исус, Кој пред Понтиј Пилат посведочи со добра исповед,

14да ја запазиш заповедта чиста и непорочна сѐ до доаѓањето на нашиот Господ Исус Христос,

155 Мојс 10,17; Пс 135,3; 2 Мак 13,4; Откр 17,14кое, во свое време, ќе го открие блажениот и единствен Вла­де­тел, Цар над царевите и Господар над господарите,

162 Мојс 33,20; Пс 103,2; Јн 1,18Кој е единствен бесмртен и живее во непристапна светлина, Кого никој од луѓето не Го видел, ниту може да Го ви­ди. Нему нека Му е чест и вечна сила. Амин!

Совети до богатите

17 Пс 61,10; Лк 12,16-21; Јк 1,10 На богатите во овој свет заповедај им да не се вообразуваат и да не се надеваат на минливото богатство, туку на жи­виот Бог, Кој ни дава за наслада сѐ во изобилие.

18Нека прават добро, нека се збогатуваат со добри дела, нека бидат дарежливи и сочувствителни,

19Мт 6,20; Фил 4,17па така да си собираат добра основа за иднината, за да достигнат вечен живот.

Последен поздрав

20 1,6; 2 Тим 1,12.14; 2,2; 3,14; Тит 1,10 О, Тимотее, чувај го она што ти е поверено и оттргнувај се од нечисти и празни разговори и од расправии на лажното знаење,

211,6; 2 Тим 2,18на кое некои му се предадоа, па се от­клонија од верата. Благодатта нека биде со тебе. Амин!