2 Тимотеј 1 - Нов превод на Новиот Завет 2023（MAK2023）

Поздрав

1 Рим 1,1 Павле, по Божја волја апостол на Христос Исус, за возвестување на животот кој ни е ветен во Христос Исус,

2до Тимотеј, моето возљубеното чедо: бла­годат, милост и мир од Бога Отецот и од Христос Исус, нашиот Господ!

Благодарност и поттик кон верност

3 Дела 23,1; 24,16; Рим 1,9; Фил 3,5 Му благодарам на Бога, Кому, како и моите прародители, Му служам со чиста совест, додека непрестајно, и дење и ноќе, те спомнувам во своите молитви.

44,9.21Сеќавајќи се на твоите солзи, копне­ам да те видам, за да се исполнам со ра­дост.

53,14-15; Дела 16,1Си спомнувам за твојата нелицемерна ве­ра, која најпрвин се всели во баба ти Лоида и во мајка ти Ев­ника, а уверен сум дека ја има и во тебе.

61 Тим 4,14Поради тоа ти напомнувам да го распалуваш Божјиот дар, кој е во тебе преку полагањето на моите раце.

Поттик на верна битка за благовестието

7 Рим 8,15; 1 Јн 4,18 Зашто Бог не ни даде дух на плашливост, туку на сила, љубов и благоразумност.

8Лк 9,26; Рим 1,16; Ефес 3,13Затоа, не срами се од сведо­че­ње­то за нашиот Господ, ни­ту од мене, затвореникот за Него, туку стани соучесник во страдањата за благовестието, според силата на Бога,

9Рим 8,28; Ефес 2,8-9; Тит 3,5Кој нѐ спаси и нѐ повика со свет повик, не поради нашите дела, туку според Својата намера и благодатта, што ни е дадена во Христос Исус пред вечни времиња,

10Рим 6,9; 8,2; 1 Кор 15,54-57; Ефес 1,9.10; Тит 2,11; 3,4; Евр 2,14-15а е откриена сега со појавувањето на нашиот Спасител Исус Христос, Кој ја уништи смртта и го осветли животот и нераспадливоста преку благовестието,

11за кое сум поставен како проповедник, апостол и учител на народите.

121 Кор 1,8Затоа и така страдам; но не се срамам, зашто знам Кому сум поверувал и уверен сум дека Тој е моќен да го запази мојот залог за оној ден.

131 Тим 6,3Имај ги, како пример, здравите збо­рови што си ги чул од мене, со вера и љубов кои се во Христос Исус!

14Рим 5,5; 1 Тим 6,20Добриот залог запази го преку Све­тиот Дух, Кој живее во нас!

За вистинското пријателство

15 4,16 Знаеш за тоа дека ме на­пуш­тија сите што се во Азија, меѓу кои и Фигел и Ермоген.

164,19Господ нека му даде милост на до­мот на Онисифор, зашто многупати ме успокои и не се посрами од моите око­ви.

17А, кога дојде во Рим, грижливо ме побара и ме најде.

18Господ нека му даде да најде милост пред Него во оној ден! А колку служеше тој во Ефес, ти тоа најдобро го знаеш.