1 Тимотеј 4 - Нов превод на Новиот Завет 2023（MAK2023）

Сѐ што е создадено од Бог е добро

1 Мт 24,23-24; Дела 20,29-30; 2 Тим 3,1; 2 Птр 2,1; 3,3; 1 Јн 2,18; Јуда 1,18 А Духот јасно зборува дека во по­следните времиња некои ќе отстапат од верата, и ќе слушаат измамнички духови и демонски учења,

2преку лицемерството на лажливците чија совест е прегорена;

32,4; 1 Мојс 9,3; Рим 14,6; 1 Кор 10,30.31; Кол 2,16-23кои забрануваат да се стапува во брак и наметнуваат воздржување од ја­дења што Бог ги создал за да се употребуваат со благодарност од оние кои веруваат и ја познаваат вистината.

41 Мојс 1,31; Рим 14,14; 1 Кор 10,25-30Зашто, секое Божјо создание е добро и ништо не е за отфрлање, ако се прима со благодарност,

5бидејќи се осветува преку словото Божјо и со молитва.

Добриот служител на Исус Христос

6 2 Тим 2,15 Ова советувај им го на браќата и ќе бидеш добар служител на Исус Хрис­тос, хранет со зборовите на верата и на доброто учење што си го следел досега.

71,4; 6,20; 2 Тим 2,16; Тит 1,14Отфрлај ги нечистите и бапски приказни, а вежбај се во благочестие;

86,6зашто телесното вежбање донесува мала полза, а благочестието е полезно за сѐ, бидејќи во себе има ветување и за се­гаш­ниот и за идниот живот.

91,15; 3,1; 2 Тим 2,11; Тит 3,8Верно е ова слово, и достојно да биде целосно прифатено.

101,1; 2,3-4Затоа се трудиме и се бориме, зашто се надеваме на живиот Бог, Кој е Спасител на сите луѓе, а посебно на верните.

Препораки за верните

11Ова заповедај го и поучувај го!

122 Сол 3,7; Тит 2,7-8; 2,15Никој нека не ја презира твојата младост, туку на верните биди им пример во слово, во поведение, во љу­бов, во дух, во вера и во чистота!

13Додека дојдам, посвети се на чи­тање, утешување и поучување!

141,18; Дела 6,6; 8,17; 2 Тим 1,6Не занемарувај го дарот што е во тебе, и кој ти беше даден преку пророштво, со ракополагање од презвитерите.

15Кон ова насочи се, биди во тоа, та твојот успех да им стане јасен на си­те!

16Внимавај на себе и на учењето; биди ис­траен во тоа, зашто тоа правејќи го, ќе се спасиш и себеси и оние што те слушаат.