Евреите 3 - Нов превод на Новиот Завет 2023（MAK2023）

Христос е поголем од Мојсеј

1 2,11; 4,14; 10,23; Ис 17,7; 2 Кор 9,13; Фил 3,14 Затоа, свети браќа, соучесници во небесниот повик, имајте го на ум Пратеникот и Првосвештеникот на верата што ја исповедаме, Исус Христос,

2Кој Му беше верен на Оној што Го поставил, како што беше и Мојсеј – во целиот Не­гов дом.

38,6; 2 Кор 3,7Бидејќи Тој се удостои со поголема слава од Мојсеј, онака како што и градителот има поголема чест од куќата што ја изградил!

4Зашто секоја куќа се гради од некого; а Оној, Кој изградил сѐ, е Бог.

52 Мојс 14,31; 4 Мојс 12,7; Откр 15,3И Мојсеј Му беше верен како слуга на целиот Негов дом, за да го посведочи она што требаше да се соопшти.

64,16; 1 Лет 17,12-14; Рим 5,2; 1 Кор 3,16; 6,19; Ефес 2,19-22; Кол 1,23; 1 Тим 3,15; 1 Птр 2,5Христос, како Син во Својот дом. Негов дом, пак, сме ние, доколку докрај цврсто ги запазиме смелоста и надежта, со која се фалиме.

Спокој за Божјите луѓе

7 Пс 94,7-11 9,8; 10,15; Мт 22,43; Дела 28,25 Затоа, како што вели Светиот Дух: „Денес, ако го чуете Неговиот глас,

82 Мојс 17,7не закоравувајте ги своите срца, како во огорченоста на денот на искушувањето во пустината,

9каде што вашите татковци Ме ис­ку­шуваа, Ме испитуваа, и ги гледаа Моите дела четириесет години.

10Дела 7,36Затоа се разгневив на тоа поколение и ре­ков, секогаш се заблудуваат во срцата; а самите не ги познаа Моите патишта.

114 Мојс 14,21-23; 5 Мојс 1,34-35Па така, во Својот гнев се заколнав дека нема да влезат во Мојот спокој.“

123,8; 10,22; 12,15; Ер 18,12Браќа, внимавајте, да не би во некого од вас да има зло и неверно срце, та да отстапи од живиот Бог.

133,7; 10,24; Рим 7,11; 2 Кор 6,1-2; 1 Сол 5,11; 2 Сол 2,10Туку охрабрувајте се секој ден еден со друг, додека сѐ уште се вели: „Денес“, та никој од вас да не се закорави преку измамата на гревот;

1411,1зашто ние станавме соучесници на Христос, ако докрај цврсто ја задржиме првобитната увереност;

15Пс 94,7-8како што е речено: „Денес, кога ќе го чуете Неговиот глас, да не се закорават вашите ср­ца онака како кога се побунив­те.“

164 Мојс 14,2Зашто кои се тие што чуја и се огорчија, ако не се оние што со Мојсеј излегоа од Египет?

174 Мојс 14,29Против кого негодуваше Тој че­ти­риесет години? Зар не против оние што погрешија и чии коски останаа во пус­тината?

185 Мојс 1,26; 1 Кор 10,5Кому, пак, Тој се заколнал дека нема да влезат во Неговиот спокој, ако не на оние што беа непокорни?

193,12; 4,6; Пс 77,22; 106,24; Јн 3,36И така, гледаме дека тие не можеа да влезат поради неверието.