Откровение 3 - Нов превод на Новиот Завет 2023（MAK2023）

Порака до црквата во Сард

1 1,4.16; 4,5; 5,6 И на ангелот на црквата во Сард напиши му: вака вели Оној што ги има седумте духови Божји и седумте ѕвезди: ги знам твоите дела; по име си жив, а мртов си.

2Биди буден и утврдувај ги останатите што се на умирање; бидејќи твоите дела не ги најдов завршени пред Мојот Бог.

316,15; Лк 12,39-40; 1 Сол 5,2; 2 Птр 3,10Затоа сети се за она што си го примил и чул, и пази го, и покај се. Зашто ако не бидеш буден, ќе дојдам над тебе како крадец, и нема да дознаеш кога ќе дојдам над тебе.

4Дан 7,9; Мт 17,2; 28,3; Јуда 1,23Но во Сард имаш неколку имиња што не ги осквернија своите облеки. Тие ќе одат со Мене во бели облеки, би­дејќи се достојни.

520,12.15; 21,27; 2 Мојс 32,32-33; Пс 68,28; Дан 12,1; Мт 10,32; Лк 10,20; 12,8; Фил 4,3Оној што победува ќе биде облечен во бе­ла облека, и нема да го избришам неговото име од книгата на животот, туку ќе го признаам неговото име пред Мојот Отец и пред Неговите ангели.

6Кој има уво, нека чуе што им вели Духот на црквите.

Порака до црквата во Филаделфија

7 Ис 22,22; 1 Јн 5,20 И на ангелот на црквата во Филаделфија напиши му: вака вели Светиот, Вистинитиот, Оној, Кој го има Давидовиот клуч, Кој отвора, и никој нема да затвори, – и Кој затвора, и никој нема да отвори:

82,2; Јн 8,51-55; 14,23; 1 Кор 16,9; 1 Јн 2,5ги знам твоите дела. Ете, пред тебе поставив отворена врата, што никој не може да ја затвори; зашто малку сила имаш, а го запази Моето слово, и не се одрече од Моето име.

92,9; Ис 43,4; 45,14; 49,23; 60,14Ете, ти давам некои од собранието на сатаната, што себеси се нарекуваат Ју­дејци, а не се, туку лажат; ете, ќе направам да дојдат и да се поклонат пред твоите нозе и да познаат дека Јас те возљубив.

10Лк 21,19; 2 Тим 2,12; Евр 10,36; 2 Птр 2,9Бидејќи ти го запази Моето слово за тр­пението, и Јас ќе те запазам од часот на искушението кое ќе дојде над целиот свет, за да ги искуша оние што живеат на земјата.

1122,7.12.20Доаѓам скоро: држи го тоа што го имаш, за никој да не го земе твојот венец.

1221,2; 22,4; Ис 62,2; Ез 48,35; Гал 2,9; 1 Тим 3,15Оној што победува, ќе го направам столб во храмот на Мојот Бог, и веќе нема да излезе надвор; и ќе го напишам на него името на Мојот Бог и името на градот на Мојот Бог, на новиот Еру­са­лим, што слегува од небото од Мојот Бог, и Моето ново име.

13Кој има уво, нека чуе што им вели Духот на црквите.

Порака до црквата во Лаодикија

14 1,5; Изреки 8,22; Јн 1,3; Кол 1,15; Евр 1,2 И на ангелот на црк­вата во Лаодикија напиши му: вака вели Амин, Вер­ниот и Вистинит Сведок, Почетокот на Божјото создание:

15ги знам твоите дела: ти не си ни студен, ни жежок; ех, да беше студен или жежок!

16Така, бидејќи си млак, а не жежок или студен, ќе те изблујам од Својата уста!

17Ос 12,8Зашто велиш: „Богат сум и се збо­га­тив, и ништо не ми треба“, а не знаеш дека си беден и несреќен, сиромав, слеп и гол;

183,5; 16,15; Ис 55,1ти советувам да си купиш од Мене злато низ оган прочистено, за да се збогатиш; и бела облека, за да се об­ле­чеш, и да не се гледа срамот на твојата голотија, и очна маст за да ги намачкаш твоите очи, за да гледаш.

19Изреки 3,12; 1 Кор 11,32; Евр 12,6Оние што Јас ги сакам, нив ги ка­рам и воспитувам. Затоа биди ревносен и покај се.

20Лк 22,29-30; Јн 14,23Ете, стојам пред вратата и чукам. Ако некој го чуе Мојот глас и ја отвори вратата, ќе влезам кај него и ќе вечерам со него, и тој со Мене.

214,2; 20,4; Мт 19,28; Лк 22,30На оној што победува, ќе му дадам да седне со Мене на Мојот престол, како што и Јас победив и седнав со Својот Отец на Неговиот престол.

22Кој има уво, нека чуе што им вели Духот на црквите.