Колосјаните 1 - Нов превод на Новиот Завет 2023（MAK2023）

Поздрав

1 Дела 16,1; Рим 1,1; 1 Кор 1,1-2; Ефес 1,1-2 Павле, по Божја волја апостол на Исус Христос, и братот Тимотеј,

2Дела 9,13; Рим 1,7до светите и верни браќа во Христос што се во Колоси: благодат и мир вам од Бога, нашиот Отец, и од Гос­под Исус Христос!

Благодарност кон Бога за благовестието

3 1,12; Рим 1,8-9; Ефес 1,15-16; 5,4.20; 1 Сол 1,2; Фил 1,4-5 Му благодариме на Бога и Отецот на нашиот Господ Исус Христос, секогаш кога се молиме за вас,

4бидејќи слушнавме за вашата вера во Христос Исус и за вашата љубов кон сите светии,

51 Кор 13,13; Ефес 1,13поради надежта која се чува за вас на небесата, за која порано сте слуш­на­ле во вистинитото слово на благовестието,

6Мт 28,19-20; Мк 4,8; 13,10; Дела 14,3; 20,24.32; 1 Тим 3,16кое дојде до вас, како и во целиот свет, и плодоносно расте, како и меѓу вас од денот кога ја чувте и познавте Божјата благодат во вистината;

74,12; Фил 1,23како што и научивте од Епафрас, нашиот возљубен соработник, кој е верен Христов служител заради вас,

81 Кор 13,1и кој нѐ извести за вашата љубов во Духот.

Молитва за Црквата

9 3,10; Лк 12,47; Ефес 1,15-17; Фил 1,9 Затоа и ние, од денот кога го чув­ме тоа, непрестајно се молиме за вас и сакаме да се исполните со познание на Него­ва­та волја во секоја мудрост и духовно разбирање,

10Ефес 2,10; 4,1; Фил 1,27; 1 Сол 2,12та да постапувате достојно за Бога и да Му бидете угодни во сѐ, за да бидете плодоносни во секое добро дело и да растете во познанието на Бога,

11Ефес 1,19; 3,16; 6,10укрепувани со секаква сила пре­ку моќта на Неговата слава, со секаква истрајност и долготрпение, со радост

125 Мојс 33,3-4; Ис.Н. 14,1-5; Мудр 5,5; Дела 20,32; 26,18; Рим 1,7; Ефес 1,11-13; 1 Птр 1,4; 2,9благодарејќи Му на Бога и Отецот, Кој нѐ направи способни да учествуваме во наследството на светиите во светлината,

132 Мојс 14,30; Мт 3,17; Лк 22,53; Јн 8,12; Дела 26,17-18; Ефес 1,6; 2,2; 5,8нѐ избави од власта на темнината и нѐ воведе во царството на Својот воз­љу­бен Син,

14Рим 3,24; Ефес 1,7во Кого имаме откуп и простување на гревовите.

Христовата возвишеност

15 1,18; 1 Мојс 1,26; Изреки 8,22-36; Мудр 7,26; Сир 1,4-9; Јн 1,1-18; 2 Кор 4,4; Фил 2,6-11; 1 Тим 3,16; Евр 1,3; Откр 3,14 Тој е образ на невидливиот Бог, првороден, пред секое создание;

162,8.10; Јн 1,3; Рим 8,38-39; 1 Кор 8,6; Ефес 1,21; 3,10; 6,12бидејќи преку Него е создадено сѐ што е на небесата и на земјата, видливо и невидливо; било престоли, било господства, било началства, било власти – сѐ е создадено преку Него и за Него.

17Изреки 8,22-31; Јн 1,1; 3,31; 8,58Тој е пред сѐ, и сѐ се одржува во Него.

18Дела 26,23; Рим 8,29; 1 Кор 12,12-27; 15,20; Ефес 1,22-23; 5,23; Евр 1,6; Откр 1,5; 3,14Тој е глава на телото, односно на Црквата. Тој е почеток, првороден од мртвите, за Самиот да првенствува во сѐ.

192,9; Ефес 1,23Бидејќи Отецот благоволи во Него да ја насели сета полнота,

201,16-17; Ефес 1,7.10; 2,13.16и преку Него да помири сѐ со Себе, и земно и небесно, творејќи мир преку Неговата крв на крстот.

21Рим 5,10; Ефес 2,12; 4,18И вас, кои некогаш бевте отуѓени и непријатели, со мисла за лоши дела,

221,28; Јн 1,14; Рим 7,4; 2 Кор 11,2; Ефес 1,4; 2,14-16; 5,27сега преку Неговата смрт ве помири во телото на Не­го­вото тело, за да ве претстави пред Себе свети, непо­роч­ни и без вина,

231,5-6; Мк 16,15; 1 Кор 5,5-8; Евр 3,14ако останете утврдени и непоколебливи во верата, и ако не се отргнете од надежта на благовестието што го чув­те, кое е проповедано на секое подне­бесно создание, и на кое јас, Павле, му станав служител.

Служењето на апостолот Павле

24 2,1; Дела 9,16; 2 Кор 4,10-12; 11,23; 2 Тим 2,10 Сега се радувам во своите страдања за вас и го пополнувам не­достигот од Христовите маки во моето тело заради Неговото тело, кое е Црквата.

25Ис 42,1-4; Мк 13,9-10; Дела 20,24; Ефес 3,2Нејзе јас ѝ станав служител според Божјото устројство што ми е дадено за вас, за да го исполнам словото Божјо,

26Ефес 3,3.5.9тајната која е скриена од вековите и поколенијата, а сега објавена на Неговите светии,

27Дела 13,47; Рим 5,2; 8,19-21; Ефес 1,18на кои Бог посака да им покаже какво е богатството на славата во таа тајна за незнабошците, односно дека Христос, надежта на славата, е во вас.

281 Кор 2,6; Ефес 4,13Него ние го проповедаме, вразумувајќи ги сите луѓе и учејќи ги со сета мудрост, за секој човек да го претставиме совршен во Христос Исус;

29Ефес 3,7; Фил 4,13затоа се трудам и се борам, потпирајќи се на Неговата сила, која со голема моќ дејствува во мене.