Евреите 4 - Нов превод на Новиот Завет 2023（MAK2023）

1 12,15; 4 Мојс 14,31 Па така, додека уште важи ветувањето за влегување во Неговиот спокој, да пазиме да не помисли некој од вас дека задоцнил.

2Рим 10,16-17; Гал 5,2; 1 Сол 2,13Зашто и нам ни беше благовестено, како и ним. Но словото, што го беа чуле, не им донесе полза, бидејќи кај оние што го беа чуле, тоа не се соедини со верата.

33,11; Пс 94,11А ние, кои поверувавме, влегуваме во Неговиот спокој, како што рекол Тој: „Па така, во Својот гнев се заколнав дека нема да влезат во Мојот спо­кој“, иако Неговите дела беа завршени уште од создавањето на светот.

41 Мојс 2,2; 2 Мојс 20,11Зашто некаде за седмиот ден е речено вака: „И во седмиот ден Бог се одмори од сите Свои дела.“

5Пс 94,11И пак на тоа место: „Нема да влезат во Мојот спокој.“

63,18-19И така, бидејќи на некои им останува да влезат во него, а оние, на кои порано им беше проповедано благовестието, не влегоа поради непослушност,

73,7.8.15; Пс 94,7-8затоа Тој повторно определи еден ден – „денес“, велејќи преку Давид, по толку време, како што е речено погоре: „Де­нес, кога ќе го чуете Неговиот глас, не закоравувајте ги вашите срца.“

85 Мојс 31,7; Ис.Н. 22,4Зашто, ако Исус Навин им беше дал спокој, Бог по­тоа веќе немаше да зборува за друг ден.

9Затоа, за Божјиот народ сѐ уште ос­та­нува саботна починка.

10Откр 14,13Зашто, оној што ќе влезе во Не­говиот спокој, тој ќе се одмора од своите дела, ка­ко и Бог од Своите.

11И така, да се погрижиме да влеземе во тој спокој, та никој да не падне во слична непослушност.

12Ис 49,2; 55,11; Ер 17,10; 23,29; Мудр 18,15; Јн 10,35; 12,48; Дела 7,38; 12,24; 1 Кор 4,5; 14,24-25; Ефес 6,17; 1 Сол 2,13; 2 Тим 2,9; 1 Птр 1,23; 1 Јн 2,14; Откр 1,16; 19,13Зашто, словото Божјо е живо и делотворно, поостро од секаков меч со две острици и навлегува до разделување на душата и духот, до зглобовите и сржта, и ги проценува мислите и намерите на срцето.

13Ер 23,24; Пс 32,13-15; Изреки 5,21; Дан 2,22; Рим 14,12И нема создание невидливо за Него, туку сѐ е голо и разоткриено за очите на Оној пред Кого ние ќе одговараме.

Исус е нашиот Првосвештеник

14 2,17; 3,1; 5,5.10; 6,20; 7,26; 8,1; 9,11; 9,24; 10,21; 10,23; Ефес 4,10 Така, имајќи велик Првосвеште­ник Кој преминал преку небесата, Исус, Синот Божји, ние треба да се држиме за исповедањето на верата.

152,17-18; Мт 4,1-11; Лк 22,28; Јн 8,46; 2 Кор 5,21Зашто, ние немаме Прво­свештеник што не може да сочувствува во нашите слабости, туку таков Кој беше искушуван во сѐ – слично на нас – освен во грев.

163,6; 7,19; 10,19.22.35; 1 Јн 3,21И така, смело да пристапуваме кон престолот на благодатта, за да при­миме милост и да најдеме благодат за благовремена помош.