Марко 9 - Нов превод на Новиот Завет 2023（MAK2023）

1 13,30; Рим 1,4 И Исус им рече: „Вистина ви велам: има некои од овие што стојат овде, кои нема да вкусат смрт додека не го видат царството Божјо, дојдено во сила.“

Исусовото преображение(Мт 17,1-9; Лк 9,28-36)

2 1,29; 5,37; Лк 8,51 А по шест дена, Исус ги зеде со Себе Петар, Јаков и Јован и ги одведе само нив на една висока гора; и се преобрази пред нив.

316,5; Мт 28,3; Откр 3,4Алиштата Му станаа сјајни, многу бели, како снег, какви што ни валавичар на земјата не може да избели.

44 Цар 2,11-12; Мт 11,14И им се јави Илија со Мојсеј, и раз­го­вараа со Исус.

510,51; 11,21; 14,44-45Тогаш Петар проговори и Му рече на Исус: „Рави, добро ни е да бидеме ов­де; да направиме три колиби: една за Тебе, една за Мојсеј и една за Илија.“

614,40Зашто не знаеше што да каже, би­дејќи беа многу уплашени.

71,11; 5 Мојс 18,15; 3 Мојс 16,2; Мт 17,5; Дела 3,22; 2 Птр 1,17И се појави облак, па ги засени; и од облакот дојде глас што велеше: „Овој е Мојот возљубен Син, Него послушајте Го!“

8И одеднаш, кога погледнаа наоколу, веќе никого не видоа покрај себе, освен Исус.

91,34; Лк 9,36А кога слегуваа од гората, Тој им за­по­веда никому да не кажуваат што ви­де­ле, додека Синот Човечки не воскресне од мртвите.

10И го задржаа тој збор во себе, пра­шувајќи се еден со друг што значи тоа: „Да воскресне од мртвите?“

За Илија(Мт 17,10-13)

11 Мал 3,23 И Го прашаа, велејќи: „Зошто книжниците велат дека најнапред треба да дојде Илија?“

128,31; Ис 53,3; Мал 3,23-24; Пс 21,1-17А Тој им одговори и рече: „Навистина, најнапред ќе дојде Илија и ќе уреди сѐ; а Синот Човечки, како што е напишано за Него, треба да пострада многу и да биде понизен.

133 Цар 19,2.10; Мт 11,14Но ви велам дека и Илија дојде, и му на­пра­вија што сакаа – ка­ко што е напишано за него.“

Исцелувањето од нечист дух(Мт 17,14-21; Лк 9,37-43)

14И кога дојде кај Своите ученици, виде многу народ околу нив и книж­ни­ци како се препираа со нив.

15И сиот народ, веднаш штом Го виде, се зачуди; и притрчувајќи кон Него, Го поз­дра­вуваа.

16Тој ги праша книжниците: „Зошто се препирате со нив?“

17Па одговарајќи, еден од народот рече: „Учителе, го доведов кај Тебе син ми, во кого има нем дух;

18и секогаш, каде и да го фати, го кутнува, и тој се запенува, чкрипи со забите и се здрвува. И им кажав на Твоите ученици да го изгонат, но тие не можеа.“

19Мт 12,39А Исус одговори и рече: „О, неверно поколение, до кога ќе бидам со вас? До ко­га ќе ве трпам? Доведете го кај Мене!“

20И го доведоа кај Него, и штом Го виде, духот веднаш го стресе момчето, и тоа падна наземи и се прпелеше запенето.

21Исус го праша татко му: „Колку време тоа му се случува?“ Тој одговори: „Од детството;

22и многупати духот го фрлал во оган и во вода, за да го погуби: но, ако можеш, смилувај се над нас и помогни ни!“

235,36; 11,23-24; Лк 17,6А Исус му рече: „Ако можеш да поверуваш – сѐ е можно за оној што ве­рува!“

24Лк 17,5И таткото на момчето веднаш из­вика и со солзи рече: „Верувам, Гос­по­ди, помогни му на моето неверие!“

251,25; Лк 4,39А Исус, гледајќи дека се собра народ, строго го прекори нечистиот дух и му рече: „Духу нем и глув, Јас ти заповедам: излези од него, и не влегувај веќе во него!“

261,26И духот вресна, силно го стресе и из­лезе; а момчето беше како мртво, така што мнозина велеа дека умрело.

271,31; 5,41Но Исус го фати за рака и го исправи; и тоа стана.

28И кога Тој влезе во една куќа, Неговите ученици Го прашаа насамо: „Зошто ние не можевме да го истера­ме?“

29И им рече: „Овој род со ништо не може да се истера, освен со молитва и пост.“

Исус по вторпат ги навестува Својата смрт и Своето воскресение(Мт 17,22-23; Лк 9,43-45)

30И кога излегоа оттаму, минуваа преку Галилеја; а Тој не сакаше некој да дознае.

318,31; Мт 20,18-19Зашто ги учеше Своите ученици и им велеше дека Синот Човечки ќе биде предаден во човечки раце, и ќе Го убијат и на третиот ден по убивањето ќе воскресне.

324,13Но тие не ги разбираа овие зборови, а се плашеа да Го прашаат.

Кој е најголем?(Мт 18,1-5; Лк 9,46-48)

33И дојде во Капернаум; и кога беше дома, ги праша: „Што се расправавте меѓу себе по патот?“

34Лк 22,24Но тие молчеа, зашто патем се расправаа меѓу себе кој е најголем.

3510,43-44; Мт 20,26Тој седна и ги повика дванаесеттемина, па им рече: „Кој сака да биде прв, нека биде последен од сите и служител на си­те!“

36И зеде едно дете, го постави меѓу нив, го прегрна и им рече:

37Мт 10,40; Лк 10,16; Јн 13,20„Кој прима едно од ваквите деца во Мое име, Мене Ме прима, а кој Ме прима Мене, не Мене Ме прима, туку Оној што Ме пратил.“

Кој не е против нас, тој е со нас!(Лк 9,49-50)

38 4 Мојс 11,28 Тогаш Јован Му одговори и рече: „Учителе, видовме еден, кој не врви по нас, а во Твое име изгонува демони; и му забранивме, зашто не оди по нас.“

391 Кор 12,3А Исус рече: „Не бранете му, заш­то никој што прави чудо во Мое име, наскоро не ќе може да злослови за Мене.

40Мт 12,30; Лк 11,23Зашто, кој не е против вас, тој е со вас.

41Мт 10,42; 1 Кор 3,23И кој ќе ве напои со чаша вода во Мое име, затоа што сте Христови, вистина ви велам, нема да ја изгуби својата на­града.“

За соблазната(Мт 18,6-9; Лк 17,1-2)

42 Мт 5,29 „А кој ќе соблазни едно од овие ма­ли, што веруваат во Мене, за него е подобро да му се обеси воденички камен на вратот и да се фрли в море.

43Мт 5,30И ако те соблазнува твојата рака, отсечи ја; подобро е за тебе сакат да влезеш во животот, отколку со две раце да отидеш во пеколот, во не­изгасливиот оган,

44каде што нивниот црв не умира и огнот не изгаснува.

45И, ако те соблазнува твојата нога, отсечи ја; подобро е за тебе куц да влезеш во животот, отколку со двете нозе да бидеш фрлен во пе­ко­лот, во неизгасливиот оган,

46каде што нивниот црв не умира и огнот не изгаснува.

47Мт 5,29И, ако твоето око те соблазнува, из­вади го; подобро е за тебе со едно око да влезеш во царството Божјо, отколку да имаш две очи и да бидеш фрлен во ог­нениот пекол,

48Ис 66,24каде што нивниот црв не умира и огнот не изгаснува.

493 Мојс 2,13Зашто секој со оган ќе се посоли и секоја жртва со сол ќе се осоли.

50Мт 5,13; Лк 14,34; Кол 4,6; Рим 12,18; 1 Сол 5,13Солта е добра; но ако солта го изгуби вкусот, со што ќе ја зачините? Имајте сол во себе, и мир имајте меѓу себе!“