Галатјаните 5 - Нов превод на Новиот Завет 2023（MAK2023）

Не губете ја вашата слобода

1 2,4; Јн 8,32.36; Рим 8,2 Па така, стојте цврсто во слободата, со која Христос нѐ ослободи, и не се подавајте повторно под ропски јарем!

2Еве, јас, Павле, ви велам: ако се обрезувате, Христос нема да ви биде од никаква полза.

3Рим 2,25; Јк 2,10И повторно му сведочам на секој човек што се обрезува дека тој е должен да го извршува целиот Закон.

4Сите што посакавте да се оправдува­те со Законот, Го изгубивте Христос, отпаднавте од благодатта;

5Рим 8,23-25бидејќи ние, во Духот, се надеваме и очекуваме оп­равдание од верата.

66,15; 1 Кор 7,19; 13,13; 1 Тим 1,5Зашто во Христос Исус ниту обрезанието има сила, ниту необреза­ни­е­то, туку верата, која дејствува преку љубовта.

72,14; Јн 8,32Вие добро трчавте; кој ви попречи да ѝ се покорувате на вистината?

81,6-7Таквото убедување не е од Оној што ве повика.

91 Кор 5,6Малку квас го потквасува целото тесто.

10Јас сум уверен за вас во Господ дека нема да мислите инаку; а оној што ве збунува – кој и да бил – ќе претрпи осуда.

111 Кор 1,23Но ако јас, браќа, сѐ уште го проповедам обрезанието, тогаш зошто и понатаму ме го­нат? Во тој случај соблазната од крстот е укината.

12Камо да беа отсечени оние што ве збунуваат!

Живот според Духот, а не според паднатата човечка природа

13 1 Птр 2,16 Бидејќи вие, браќа, сте повикани кон слобода; но не слобода за угодување на телото, туку со љубов служете си еден на друг.

143 Мојс 19,18; Мт 5,43; 19,19; 22,39; Рим 13,8-10; Јк 2,8Зашто, целиот Закон се исполнува во еден збор: „Љуби го својот ближ­ен како себеси.“

15Ако, пак, меѓу себе се гризете и јадете, пазете да не се истребите еден со друг.

165,25Ви велам: живејте по Духот, и нема да им угодувате на телесните страсти.

17Рим 7,15-23; 1 Птр 2,11Зашто, телото го посакува она што е противно на духот, духот, пак – противното на телото; а тие се спротивставени меѓусебно, за да не го правите она што го сакате.

18Рим 6,14; 8,14Ако ве води Духот, вие не сте под Законот.

191 Кор 6,9-10; Откр 22,15Делата на телото се познати. Тие се: прељуба, блуд, нечистота, разврат,

20идолопоклонство, магија, неприја­тел­ства, кавги, љубомора, јарост, препирки, раздори, поделби,

21завист, пијанство, срамни гоштевки и други слични работи; ве предупредувам, како што ве предупредив и порано, дека оние што го прават тоа, нема да го наследат цар­ството Божјо.

22Ефес 5,9А плодот на Духот е: љубов, радост, мир, долготрпеливост, благост, добрина, верност,

231 Тим 1,9кротост, воздржливост. Против такви нема закон.

24Рим 6,6Оние, пак, кои се Христови, го распнаа своето тело со неговите страсти и похоти.

255,16Ако живееме според Духот, според Духот и да постапуваме.

Законот на Христос

26Да не бараме лажна слава, еден со друг да не се раздразнуваме, еден на друг да не си завидуваме.