Римјаните 15 - Нов превод на Новиот Завет 2023（MAK2023）

Угоди му на својот ближен

1Ние, силните, сме должни да ги носиме слабостите на не­моќните и да не си угодуваме себеси.

214,19Секој од нас нека му угодува на својот ближен со она што е добро, заради надградување.

3Пс 68,9Зашто и Христос не си угоди Се­беси, туку како што е напи­ша­но: „Подбивите на оние што Ти се подбиваа, паѓаат врз Мене.“

44,23-24; 1 Мак 12,9; 2 Мак 15,9; 1 Кор 10,6.11; 2 Тим 3,16А сѐ што беше порано напишано, за наша поука беше напишано, та преку трпението и преку утехата од Писмата да имаме надеж.

512,16; 1 Кор 1,10; Фил 2,2; 4,2А и Бог на трпението и утехата да ви даде да бидете во едномислие меѓу себе, според примерот на Христос Исус,

6та еднодушно и со една уста да Го славите Бога и Отецот на нашиот Гос­под Исус Христос.

Благовестие за сите луѓе

7Затоа примајте се еден со друг, како што и Христос ве прими, заради Божјата слава.

8Мт 15,24; Дела 3,25-26Зашто велам дека Христос Исус стана служител на обрезаните поради Бож­ја­та вистина, за да ги потврди ветувањата дадени на татковците;

92 Цар 22,50; Пс 17,49а незнабошците да Го прос­ла­ват Бога за милосрдието, како што е на­пишано: „Затоа ќе Те исповедам меѓу незнабошците и ќе му пеам на Твоето име.“

105 Мојс 32,43И понатаму се вели: „Развеселете се, незнабошци, со Неговиот народ!“

11Пс 116,1И уште: „Фалете Го Господ сите незнабошци, и прославете Го, сите народи!“

12Ис 11,10; Мт 12,21; Откр 5,5Исаија, исто така, вели: „Ќе се појави коренот Јесеев и Оној што ќе се издигне да владее над незнабошците, на Него ќе се надеваат незнабошците.“

13А Бог на надежта нека ве исполни со сета радост и мир во верата, та преку силата на Светиот Дух вашата надеж да се преумножува.

Павловиот мисионерски потфат

14И самиот сум уверен за вас, браќа мои, дека и вие сте полни со добрина, исполнети со секакво знаење и дека можете да се поучувате еден со друг.

151,5Но ви пишав, браќа, нешто малку послободно – според благодатта што ми е дадена од Бога,

161,9; 11,13; 12,1; Фил 2,17за да бидам служител на Исус Христос меѓу незнабошците и свеште­но­дејствено да го извршувам Божјото благовестие, та приносот на незнабошците, осветен од Све­тиот Дух, да стане благопријатен.

175,2И така, можам да се по­фа­лам во Христос Исус со својот труд за Бога,

181,5зашто не се осмелувам да говорам за она што Христос не го извршил пре­ку Мене со зборови и дела,

192 Кор 12,12со силата на знаци и чуда, со силата на Божјиот Дух, која ги води незна­бош­ците кон послушност во верата, така што Христовото благовестие го распро­стра­нував од Ерусалим и неговата око­лина, па дури до Илирик.

201 Кор 3,10; 2 Кор 10,15-16И така, силно бев поттикнат да го про­по­ведам благовестието не таму каде што Христовото име беше веќе познато, за да не ѕидам врз туѓ темел,

21Ис 52,15туку како што е напишано: „Оние на кои не им е јавено за Него, ќе видат; и оние што не беа чуле, ќе разберат.“

Павловите планови за патување во Рим

22Токму затоа и многупати бев спречен да дојдам кај вас.

23Сега, пак, бидејќи во овие краеви нема такво место, а многу години имам желба да дојдам кај вас,

241 Кор 16,6кога ќе тргнам за Шпанија, се надевам дека ќе ве видам на минување и де­ка натаму вие ќе ме испратите, но откако најпрво ќе ви се порадувам некое време.

25Дела 19,21А сега одам во Ерусалим за да им послужам на светиите,

262 Кор 8,1; 9,2.12; Гал 2,10зашто Македонија и Ахаја одлучија да дадат некаков прилог за сиро­ма­ш­ни­те светии во Ерусалим.

271 Кор 9,11; Гал 6,6Тие доброволно одлучија, но и дол­жни им се. Бидејќи, ако незнабошците станаа соучесници во нивните духовни блага, тогаш се должни да им послужат и во телесните.

2815,24И така, откако ќе го завршам ова и ќе им го предадам овој плод, преку ва­ша­та земја ќе заминам за Шпанија.

29А знам дека, кога ќе дојдам кај вас, ќе дојдам со изобилен благослов на Хрис­то­вото благовестие.

302 Кор 1,11Браќа, ве молам поради нашиот Господ Исус Христос и поради љубовта на Духот, помагајте ми со усилни мо­литви кон Бога за мене,

31Дела 20,3за да се избавам од оние што не ве­руваат, кои се во Јудеја, и моето слу­же­ње во Ерусалим да им биде благо­пријат­но на светиите;

321,10та, преку Бож­јата волја, да дојдам кај вас со радост и да се успокојам заедно со вас.

332 Кор 13,11; Фил 4,9А Бог на мирот нека биде со сите вас. Амин!