1 Тимотеј 3 - Нов превод на Новиот Завет 2023（MAK2023）

Епископи на Црквата

1 1,15 Верно е словото: Ако некој тежнее кон епископство, тој сака добра работа.

23,12; 2 Тим 2,24; Тит 2,6Епископот, пак, треба да е непорочен, маж на една жена, трезвен, благоразумен, угледен, гостољубив, способен да поучува;

3не пијаница, ни насилник, ни алчен за нечесна добивка, туку кроток, мирољубив и не среброљу­бив;

43,12својот дом добро да го управува и да ги држи децата во послушност и достоинствени во сѐ,

51 Кор 1,2зашто, ако некој не умее да управува со својот дом, тогаш како ќе се грижи за Божјата Црква?

6Нека не е нов во верата, за да не се возгордее па да падне под осуда, како ѓа­волот.

7Рим 12,17; 1 Кор 5,12; 2 Кор 8,21А уште треба да има и добар углед кај надворешните за да не биде укоруван и да не падне во стапицата на ѓа­во­лот.

Ѓакони

8Ѓаконите, исто така, треба да бидат честити, да не се дволични, да не се оддаваат на многу вино, ниту да се алчни за нечесна добивка;

91,19туку тајната на верата да ја пазат со чиста совест.

10И тие треба прво да бидат ис­питани, та потоа, ако се непорочни, да станат ѓакони.

11Тит 2,3Исто така и нивните жени треба да бидат честити, да не се клеветнички, туку трезвени и верни во сѐ.

123,2-4Ѓаконите треба да бидат мажи на една жена, добро да управуваат со своите деца и со своите домови.

13Зашто, оние што добро служеле, се здобиваат со угледна по­лож­ба и со голема смелост во верата во Христос Исус.

Тајната на благочестието

14Ова ти го пишувам надевајќи се дека скоро ќе дојдам кај тебе.

151 Кор 1,2; Ефес 2,19-22; Тит 1,7Но, ако случајно подзадоцнам, да знаеш како луѓето треба да се однесуваат во Божјиот дом, кој е црква на живиот Бог, столб и потпора на вистината.

16Мк 16,19; Јн 1,14; 16,10; Дела 1,9; Рим 1,3-4; Ефес 3,10; 1 Птр 1,12А несомнено, голема е тајната на благочестието: Бог се јави во тело, беше оправдан во Духот, виден од ан­ге­лите, проповедан на народите, во светот примен со вера, вознесен во слава.