1 Коринтјаните 4 - Нов превод на Новиот Завет 2023（MAK2023）

Павле и Коринтјаните

1 Ефес 3,2; 1 Тим 3,9; Тит 1,7; 1 Птр 4,10 Така, секој човек нека нѐ смета за Христови служители и за управители на Божјите таинства.

2А од управителите се бара секој од нив да се покаже верен.

3Мене ми е сосема сеедно дали ќе бидам суден од вас или од судот на другите луѓе; та и самиот себеси не се судам,

4зашто во мене не пронаоѓам никаква вина; иако со тоа не сум оправдан: Господ е Тој што ќе ми суди.

5Мт 7,1; Рим 2,16.29Затоа, не судете ништо пред­вре­ме, додека не дојде Господ, Кој ќе го изнесе на видело сокриеното во мракот и ќе ги објави намерите на срцата; и тогаш секој ќе ја прими својата пофалба од Бога.

6Ова браќа, заради вас го применив на себе и на Аполос, за да се поучите од нас на онаа изрека: „Не мудрувајте повеќе од она што е напишано“, и да не се гордеете еден пред друг поради некого.

7Зашто, кој те смета за нешто посебно? Што имаш, а да не си добил? А штом си добил, зошто се фалиш, како да не си добил?

8Откр 3,17Веќе сте презаситени, веќе се збогативте, се зацаривте без нас; но камо среќа навистина да се бевте зацариле, та и ние да царуваме со вас!

915,31; Рим 8,36; 2 Кор 4,11; Евр 10,33Мислам дека нас апостолите Бог нѐ постави најпоследни, како осудени на смрт, зашто станавме глетка за светот – и за ангели и за луѓе.

10Ние сме безумни заради Христос, а вие сте мудри во Христос; ние сме не­моќни, а вие сте силни; вие сте славни, а ние бесчесни.

112 Кор 4,8-12; 6,4-10; 11,23-27До овој час гладуваме и жеднееме, и необлечени одиме, и нѐ тепаат и бездомни скитаме,

12и се трудиме, работејќи со свои раце. Кога нѐ проколнуваат, ние благословуваме, а кога нѐ гонат – истрајуваме;

13кога хулат на нас – одговараме кротко. Станавме како ѓубриштата од светот, отпадок од сите луѓе до денес.

Павловата татковска грижа

14 2 Кор 6,13; 1 Сол 2,7 Но ова ви го пишувам не за да ве посрамам, туку да ве вразумам како мои возљубени чеда.

151 Сол 2,11; Фил 1,10Зашто, и да имате десетина илјади учители во Христос, сепак немате многу татковци, бидејќи јас ве родив во Христос Исус преку благовестието.

1611,1Затоа, ве молам, бидете мои под­ра­жатели.

17Поради тоа ви го пратив Ти­мотеј, кој е мое возљубено и верно чедо во Господ; тој ќе ве потсети за моите патишта во Христос, онака како што на­секаде и во секоја црква поучувам.

18Некои се возгордеаја, небаре не ќе дојдам кај вас;

19но наскоро ќе дојдам кај вас, ако сака Господ, и ќе ги познаам не збо­ро­вите, туку силата на оние што се возгордеале,

202,4; Мт 12,28; Мк 9,1; Рим 14,17; 15,13зашто царството Божјо не е во зборови, туку во сила.

212 Кор 10,2; Гал 6,1Што сакате? Да дојдам кај вас со стап, или со љубов и кроток дух?