1 Солуњаните 5 - Нов превод на Новиот Завет 2023（MAK2023）

1 Дан 2,21; Мт 24,36; Дела 1,7 А за времињата и годините, браќа, нема потреба да ви се пишува,

2бидејќи вие самите многу добро зна­ете дека денот Господов ќе дојде како кра­дец во ноќта.

3Ер 4,31; 6,14; 8,11; Лк 21,34-35; Јн 16,21-22; 2 Сол 1,9И додека уште велат: „Мир и безопасност!“, Тогаш ненадејно ќе ги снајде пропаст како родилни болки на бремена жена, и не ќе можат да ја избегнат.

4Јн 12,46; Дела 26,18; 1 Јн 2,8Но вие, браќа, не сте во темнина, та денот да ве затече како крадец.

5Лк 16,8; Јн 8,12; Рим 13,12; Ефес 5,8-9Бидејќи сите вие сте синови на свет­лината и синови на денот; ние не ѝ припаѓаме на ноќта, ниту на темнината.

6Мт 24,42-44; 25,1-12; Рим 13,11; 1 Птр 1,13; 5,8И така, да не спиеме, како другите, туку да бидеме будни и трезвени.

7Зашто оние што спијат, ноќе спијат, и оние што се опиваат, ноќе се опиваат.

81,3; Ис 59,17; Мудр 5,18Ние, пак, кои му припаѓаме на денот, да бидеме трезвени и облечени во оклопот на верата и љубовта и со шлемот на на­дежта за спасение,

91,10; 2 Сол 2,14зашто Бог не нѐ определи за гнев, туку за да добиеме спасение преку нашиот Господ Исус Христос,

104,14; Рим 14,8-9Кој умре за нас, за ние да живееме заедно со Него, било да сме будни, било да спиеме.

11Ефес 2,20-22; 5,19; Кол 3,16; Јуда 1,20Затоа, утешувајте се меѓу себе и надградувајте се еден со друг, како што и правите!

Последни препораки и поздрави

12 1 Кор 16,16-18; Гал 6,6; 1 Тим 5,17; Евр 13,17 И ве молам, браќа, да ги почитувате оние што се трудат меѓу вас, оние што ве водат во Господа и ве укоруваат.

13Мк 9,50Ценете ги со најголема почит и љу­бов заради нивното дело. Живејте во мир меѓу себе!

142,12; Ис 35,4; Мт 18,15; Рим 14,1; 1 Кор 8,7; 13,4Браќа, ве молиме, поучувајте ги не­уредните, охрабрувајте ги малодушните, поткрепувајте ги слабите и бидете долготрпеливи кон сите.

15Гледајте никој никому да не враќа зло за зло; туку секогаш стремете се да правите добро еден на друг и на сите!

16Радувајте се секогаш!

17Лк 18,1; Рим 12,12; Кол 4,2Молете се непрестајно!

18Ефес 5,20Благодарете за сѐ, зашто таква е волјата Божја за вас во Христос Исус!

19Ефес 4,30Не гаснете Го Духот!

20Не презирај­те ги пророштвата!

211 Кор 14,29; 1 Јн 4,1Сѐ испитувајте, за доброто држете се!

22Воздржувајте се од секакво зло!

23Ис 11,6; Рим 15,33; 2 Сол 3,16А Самиот Бог на мирот нека ве освети потполно, и целиот ваш дух, и ду­шата, и телото беспрекорно да се запазат за доаѓањето на нашиот Господ Исус Христос!

24Верен е Оној што ве повикува. Тој и ќе го направи тоа.

25Браќа, молете се за нас!

26Поздравете ги сите браќа со свет целив!

27Ве заколнувам во Господ ова пос­ла­ние да им го прочитате на сите свети браќа.

28Благодатта на нашиот Господ Исус Христос нека биде со вас. Амин!