Тит 1 - Нов превод на Новиот Завет 2023（MAK2023）

Поздрав

1 Рим 1,1; Фил 1,1 Павле, Божји слуга и апостол на Исус Христос за поткрепување на верата на Божјите избраници и за спознавање на вистината која води кон благочестие,

22 Мојс 23,19; 2 Тим 2,13со надеж за вечниот живот, што пред вечни времиња го вети Бог, Кој не лаже,

3Дела 1,7; Рим 3,26; 1 Тим 1,1и Кој во Свое време го објави Своето слово преку проповедта што ми ја довери мене по заповед на Бога, нашиот Спасител,

42 Кор 2,13; 8,23; Гал 2,3; 1 Тим 1,2; 2 Тим 4,10до Тит, моето вистинско чедо по за­едничката ни вера. Благодат, милост и мир од Бога Отецот и од Господ Исус Хрис­тос, нашиот Спасител!

Задолженијата на Тит во Крит

5Во Крит те оставив за да го довршиш незавршеното и во сите гра­дови да поставиш презвитери, како што ти бев порачал:

61 Тим 3,2-7ако е некој непорочен, маж на една жена, и ако има деца што веруваат, што не се укорувани за разузданост или непокорност.

71 Тим 3,15; Евр 3,2Зашто, епископот, како управител на Божјиот дом, треба да е непорочен, да не е гневлив, ни пијаница, ни насилник, ни алчен за нечесна добивка,

81 Тим 3,2-7; 2 Тим 2,24-26; 1 Птр 5,2туку гостољубив, доброљубив, благоразумен, справедлив, свет, воздржлив;

92,1; 1 Тим 1,10; 2 Тим 4,3да се придржува до вистинското слово, онака како што е научен, та да биде силен и да поучува во здравото учење, и да ги побива оние кои му се противат.

Лажните учители

10 1 Тим 4,1; 2 Тим 3,13 Зашто има и мнозина непокорни, празнословци и измамници, а особено меѓу обрезаните.

112 Тим 3,6; 1 Птр 5,2 На таквите треба да им се затвори устата: тие растураат цели домови, учејќи на она што не треба, и тоа за гнасна печалба.

12Еден од нив, нивен пророк, беше рекол: „Критјаните се секогаш лаж­ливци, зли ѕверови, мрзливи мешишта.“

132 Тим 4,2Тоа сведоштво е вистинито. Поради таа причина укорувај ги строго, за да бидат здрави во верата,

141 Тим 1,10; 4,7и да не обрнуваат внимание на јудејски приказни и на за­поведи од луѓе кои се одвраќаат од вистината.

15Мт 15,11; 15,18-20; 23,25-26; Рим 14,14-20За чистите сѐ е чисто, а на осквернетите и на неверните ништо не им е чисто; напротив, ним им се осквернети и умот и совеста.

162 Тим 3,5; 1 Јн 1,6; 2,4Тврдат дека Го познаваат Бога, но со делата Го одрекуваат, бидејќи се одвратни, непокорни и неспособни за никакво добро дело.