Филипјаните 2 - Нов превод на Новиот Завет 2023（MAK2023）

Единство во понизноста

1 2 Кор 13,13; Кол 3,12 И така, ако во Христос има нека­ква утеха, ако има некакво охрабрување од љубовта, ако има некаква заедница на Духот, ако има некое милосрдие и сочувство,

2Рим 15,5; 1 Кор 1,10-16направете ми ја радоста потполна со тоа што исто ќе размислувате, имајќи иста љубов, еднодушни и ед­но­мислени;

3Рим 12,10; Гал 5,26не правете ништо за лична корист или за празна слава, туку секој со смиреномудрие нека го смета другиот за подобар од себе!

42,21; 1 Кор 10,24.33; 13,5Не грижете се само за своето, ту­ку и за другите!

5Јн 13,15; Рим 15,5; 1 Јн 2,6Затоа вашето размислување нека биде како она на Христос Исус,

6Јн 1,1-2; 17,5; Кол 1,15; Евр 1,3Кој, иако беше во образ Божји, не сме­таше дека треба да го искористи тоа што е еднаков со Бога;

7Мт 20,28; Јн 1,14; Рим 8,3; 2 Кор 8,9; 1 Тим 2,5; Евр 2,14.17туку се понизи Себеси, земајќи образ на слуга и се изедначи со луѓето;

8Мт 26,39; Јн 4,34; 6,38; 10,17; Рим 5,19; Евр 2,9; 5,8; 12,2и по из­глед се покажа како човек, Самиот се понизи, и беше послушен сѐ до самата смрт, смрт на крст.

9Мт 23,12; Јн 12,32; Ефес 1,20-23; Евр 1,3-4Па затоа и Бог Го превозвиши и Му даде име што е над секое име,

10Ис 45,23; Рим 14,11; Ефес 3,14; 4,10; Кол 1,18-20та во името на Исус да се поклони секое колено на сѐ што е небесно, земно и подземно,

11Дела 2,36; Рим 1,4; 10,9и секој јазик да исповеда дека Исус Христос е Господ, за слава на Бога Отецот.

Христијаните – светлост на светот

12 Пс 2,11-12; 1 Кор 2,3; 2 Кор 7,15 Затоа, возљубени мои, како што се­когаш бевте послушни, не само во мое при­суство, туку многу повеќе сега, кога сум отсутен, со страв и трепет градете го своето спасение,

131 Кор 12,6; 15,10; 2 Кор 3,5; Ефес 2,10; 1 Сол 2,13; Евр 13,21зашто Бог е Оној Кој во вас прави да сакате и да дејствувате според Не­го­вата добра волја.

144 Мојс 14,2.9; 1 Кор 10,10; 1 Птр 4,9 Сѐ правете без мрморење и дво­уме­ње,

151,10; 5 Мојс 32,5; Дан 12,3; Мт 5,14; 10,16; 12,39; Дела 2,40за да бидете беспрекорни и чисти, не­по­роч­ни Божји чеда сред изопачено и развратно поколение, во кое светите како светила во светот,

161,6; Ис 49,4; 65,23; Дела 20,24; 1 Кор 1,8; Гал 2,2; 4,11; 1 Сол 2,1.19; 3,5цврсто држејќи се за словото на животот, за да имам со што да се пофалам во денот Христов, дека не трчав напразно и не се трудев на­празно.

173,3; Рим 12,1; 15,16; 2 Тим 4,6Но, дури и ако се принесувам како полевање врз жртвата и службата на вашата вера, се ра­дувам сам и се радувам со сите вас.

183,1; 4,4Радувајте се и вие, зарадувајте се со мене!

Мисиите на Тимотеј и Епафродит

19 Дела 16,1 Се надевам во Господ Исус дека наскоро ќе ви го пратам Тимотеј, та и јас, откако ќе разберам како сте, да се утешам.

201,15-17Зашто немам ниту еден исто­мисленик, кој толку искрено би се гри­жел за вас.

212,4; 2 Тим 4,10Зашто сите си го бараат своето, а не она на Исус Христос.

221,1.5Но неговата опитност ви е позната; тој, како син кон татко, заедно со мене слугуваше при благовестењето.

23Значи, се надевам дека него ќе го ис­пратам веднаш, штом ќе дознаам што ќе стане со мене;

241,25; Рим 14,14но во Господа сум уверен дека и сам наскоро ќе дојдам кај вас.

254,18Сметав дека е неопходно да го испратам кај вас Епафродит, мојот брат, сотрудник и соборец, а вашиот пратеник и служителот на моите потреби,

26бидејќи тој копнееше за си­те вас и беше нажален што сте чуле де­ка бил болен.

27Зашто тој боледуваше речиси до умирање; но Бог го помилува, и не само не­го, туку и мене, за да не ми се натовари една жалост врз друга.

28Поради тоа го испратив што поскоро, та, штом ќе го видите повторно, да се израдувате, а јас да бидам помалку нажален.

291 Кор 16,16; 1 Тим 5,17Затоа, примете го во Господа со се­каква радост, и за таквите имајте почит,

30Дела 20,24; 2 Кор 8,14; Кол 1,24бидејќи за Христовото дело тој бе­ше близу до смрт, не жалејќи го својот живот за да го надополни служењето што ми недостига од вас.