Тит 2 - Нов превод на Новиот Завет 2023（MAK2023）

Вистинското учење

1 1,9; 1 Тим 1,10; 2 Тим 4,3 Ти, пак, зборувај го она што е во согласност со здравото учење.

21 Кор 13,13; 1 Тим 5,1-2; 6,11Старците да бидат трезвени, угледни, благоразумни, здрави во верата, во љу­бовта, во трпението;

31 Тим 3,11стариците, исто така, да живеат како што им прилега на светии – да не клеветат, да не се предаваат на многу вино, да поучуваат на она што е добро,

4за да ги вразумуваат младите жени да ги љубат своите мажи и своите деца;

5Ефес 5,22; Кол 3,18; 1 Тим 2,12да бидат благоразумни, чисти, добри домаќинки, благи, покорни на своите мажи, за да не се хули словото Божјо.

6Исто така, и помладите поттикнувај ги да бидат благоразумни.

72 Сол 3,7; 1 Тим 4,12; 1 Птр 5,3 Во сѐ покажувај се како обра­зец за добри дела, а во учењето покажувај чистота, достоинство и нерасипаност.

81 Тим 1,10; 5,14; 1 Птр 2,15 Словото нека ти е здраво и беспрекорно, та да се посрами противникот, бидејќи не ќе има да рече ништо лошо за нас.

9Ефес 6,5-8; 1 Тим 6,1; 1 Птр 2,18Советувај ги слугите да ги слушаат своите господари, да им угодуваат во сѐ, не противречејќи им;

10Фил 1,18-19; 1 Тим 1,1да не крадат, туку во сѐ да по­ка­жу­ваат добра вера, та во сѐ да го украсуваат учењето на Бога, нашиот Спасител.

113,4Зашто се јави Божјата благодат, која ги спасува сите луѓе,

121 Јн 2,16 која нѐ учи да ги отфрлиме безбожноста и похотите од овој свет, па благоразумно, праведно и благочестиво да поживееме во овој свет,

131 Кор 1,7; Фил 3,20; 2 Тим 4,8 очекувајќи ја блажената надеж и објавувањето на славата на великиот Бог и наш Спасител, Исус Христос,

142 Мојс 19,5; 5 Мојс 4,20; 7,6; 14,2; Пс 129,8; Рим 3,24; Гал 1,4; 1 Тим 2,6; 1 Птр 2,9Кој се даде Себеси за нас, за да нѐ искупи од секакво беззаконие и да нѐ очисти, та да Му бидеме избран народ, ревносен за добри дела.

151 Тим 4,12; 1 Птр 3,13Ова зборувај го, советувај и укорувај со полна власт. Никој нека не те пре­зира.