2 Тимотеј 2 - Нов превод на Новиот Завет 2023（MAK2023）

Поднесувај ги страдањата како добар војник

1Ти, пак, чедо мое, зајакнувај во благодатта која е во Христос Исус,

21 Тим 4,14; 6,12и она што си го чул од мене пред многу сведоци, тоа предај им го на верни луѓе кои се способни и други да научат.

31 Тим 4,10Па така, поднесувај ги страдањата како добар војник на Исус Христос.

4Никој кој служи како војник не се вплеткува во работите на секојднев­ниот живот, и тоа го прави за да му угоди на својот војсководач.

51 Кор 9,25Но дури и некој да се натпреварува, нема да добие венец доколку не се натпреварувал според правилата.

61 Кор 3,6-9; 9,7.10Земјоделецот што се труди прв треба да вкуси од плодот.

7Размисли за ова што ти го зборувам и Господ ќе ти даде да разбереш сѐ!

Спомни си за воскреснатиот Исус

8 Мт 1,1; Дела 13,30; Рим 1,3-4; 1 Кор 15,4.20; Фил 1,12-14 Спомнувај си Го Исус Хрис­тос од Давидовото потомство, Кој вос­кресна од мртвите, според моето благовестие,

9Лк 23,32; Ефес 3,1; Фил 1,13-17за кое страдам дури до окови, како злосторник. Но словото Божјо не може да се стави во окови.

10Кол 1,24; 1 Сол 2,12Затоа сѐ трпам заради избраните, за да го добијат и тие спасението во Христос Исус, заедно со вечната слава.

11Рим 6,5; 1 Тим 1,15; 3,1; 4,9; Тит 3,8Верно е словото: Ако со Него сме умреле, со Него и ќе живееме.

12Мт 10,33; Лк 12,9; Рим 8,17Ако истраеме, со Него и ќе царува­ме. А ако се одречеме од Него, и Тој ќе се одрече од нас.

134 Мојс 23,19; Рим 3,3.4; 1 Кор 1,9; Тит 1,2; Евр 6,18Ако сме неверни, Тој останува ве­рен, бидејќи Сам Себеси не може да се од­рече.

Распространувај го правилно словото на вистината

14 1 Тим 1,4 Ова напомнувај им го, заколнувајќи ги пред Господ да не се препираат, заш­то од тоа нема никаква полза, туку са­мо штета за оние што слушаат.

151 Тим 4,6; Тит 2,7-8Погрижи се да се покажеш достоен на Бога, работник кој нема од што да се срами кога правилно раководи со словото на вистината.

161 Тим 1,4; 4,7А оттргнувај се од нечисти и празни разговори, зашто тие ги водат луѓето кон уште поголема безбожност,

171 Тим 1,20и словото на таквите ќе се распространува како жива рана. Такви се Именеј и Фи­лит,

181 Тим 6,21кои застранија од вистината, гово­рејќи дека воскресението веќе се збид­на­ло, и со тоа на некои им ја разрушуваат верата.

Темелот поставен од Бог

19 3 Мојс 24,16; 4 Мојс 16,5; 16,26; Ис 26,13; Сир 17,26; 35,3; Јн 10,14; 1 Кор 8,3; Ефес 2,20 Но Божјиот цврст темел стои непоколебливо, имајќи го овој печат: „Ги познава Господ оние кои се Негови“ и „Да отстапи од неправда секој што го изговара Господовото име!“

20Рим 9,21; 1 Кор 3,12Во голем дом нема само златни и сребрени садови, туку и дрвени и глинени; и едните се за чесна употреба, а другите за вообичаена.

213,17И така, ако некој се очисти од тоа, тој ќе биде сад за чест, осветен, корисен на господарот и приготвен за секое добро дело.

Слуга на Господ

22 Гал 5,22; 1 Тим 6,11 Одбегнувај ги мла­деш­ките похоти и стреми се кон праведност, вера, љубов, мир со оние што Го повикуваат Господа од чисто срце!

231 Тим 1,4; 4,7Оттргнувај се од глупави и празни расправии, зашто знаеш дека тие раѓаат кавги!

24Ис 42,3; Мт 12,19; 1 Тим 3,2-3; Тит 1,7А Господовиот слуга не треба да се расправа; туку да биде кроток кон сите, способен да поучува, да под­не­сува зло,

25Гал 6,1; 1 Тим 2,4со кротост да ги превоспитува про­тив­ниците, та Бог некако да им да­де покајание, за да ја познаат вистината,

261 Јн 2,14и да се ослободат од стапицата на ѓа­волот кој ги уловил за да ја ис­пол­нуваат неговата волја.