2 Солуњаните 3 - Нов превод на Новиот Завет 2023（MAK2023）

Поттик на молитва и работа

1 Пс 147,4; Ефес 6,19; Кол 4,3; 1 Сол 5,25 Најпосле, браќа, молете се за нас, та словото Господово да се шири и да се слави, исто како и кај вас,

2и да се избавиме од опаки и злобни луѓе, бидејќи немаат сите вера.

3Мт 6,13; 1 Кор 1,9; 1 Сол 5,22.24; Евр 10,23; 1 Јн 2,14Но верен е Господ Кој ќе ве утврди и запази од лукавиот.

42 Кор 7,15-16; Гал 5,10Ние сме уверени за вас во Господа, де­ка го вршите и дека ќе го вршите она што ви го заповедаме.

5А Господ нека ги упати вашите срца право кон Божјата љубов и кон Христовото трпение!

62,15; 3,14; Мт 18,17; Рим 16,17; 1 Кор 5,9.11; 1 Сол 5,14Ви заповедаме, браќа, во името на нашиот Господ Исус Христос, да се оттргнете од секој брат кој живее не­уредно, а не според преданието што го добивте од нас!

71 Сол 1,6Зашто сами знаете како треба да нѐ подражавате, бидејќи ние не живеевме неуредно кај вас,

8Мт 6,11; Дела 18,3ниту, пак, бесплатно јадевме нечиј леб, туку со труд и мака работевме де­ње и ноќе, за да не обременуваме никого од вас.

9Мт 10,10; 1 Кор 4,16И не поради тоа што немавме власт, туку за самите да дадеме пример, та да нѐ подражавате.

10Зашто и кога бевме меѓу вас ви го за­поведавме ова: кој не сака да работи, тој нека и не јаде.

113,6; 1 Тим 5,13Но слушаме дека некои од вас жи­веат неуредно, ништо не работат, туку се занимаваат со празни работи.

121 Мојс 3,19На таквите им заповедаме и ги охрабрубаме преку нашиот Господ Исус Христос да работат тивко и да го јадат својот леб.

13Гал 6,9А вам, браќа, да не ви здосади да правите добро.

143,6; 1 Кор 5,5.9-11Ако некој не го послуша нашето слово од ова послание, обележете го и не дружете се со него, за да се посрами;

15Мт 18,15-18; 2 Кор 2,7; Гал 6,1; 1 Сол 5,14но не сметајте го за непријател, ту­ку вразумувајте го како брат.

Благослов и поздрав

16 Рута 2,4; Рим 15,33; 1 Сол 5,23 А Самиот Господ на мирот нека ви да­де мир секогаш и на секој начин! Господ нека биде со сите вас!

172,2; 1 Кор 16,21; Гал 6,11Своерачен поздрав од мене, Павле; што е обележје во секое мое послание; јас пи­шу­вам така.

18Рим 16,20; 1 Сол 5,28Благодатта на нашиот Господ Исус Христос нека биде со сите вас. Амин!