3 Јован 1 - Нов превод на Новиот Завет 2023（MAK2023）

Поздрав

1 2 Јн 1,1 Од презвитерот до возљубениот Гај, кого го љубам во вистината.

2Возљубен, се молам да бидеш здрав и во сѐ да ти биде добро, како што ѝ е добро на твојата душа.

Пофалба за добродетелството

3 Фил 1,5; 1 Јн 3,19 Зашто многу се зарадував кога дојдоа бра­ќата и посведочија за твојата вистина – односно како ти одиш во вистината.

42 Јн 1,4За мене нема поголема радост од тоа – да слушнам дека моите чеда одат во вистината.

5Мт 10,41-42Возљубен, ти постапуваш верно во сето она што го правиш за браќата и придојдените.

6Рим 15,24; Тит 3,13Тие ја посведочија твојата љубов пред црквата. Добро ќе направиш ако ги испратиш како што прилега пред Бога.

7Бидејќи заради Неговото име трг­наа, не земајќи ништо од незна­бошците.

8Мт 18,5; Рим 12,13; Евр 13,2; 1 Птр 4,9Затоа, ние сме должни да ги примаме таквите, за да станеме сотрудници на вистината.

Властољубието на Диотреф

9 Мт 20,27; Фил 2,3 Јас ѝ напишав на црк­вата, но Диотреф, кој сака да биде прв меѓу нив, не нѐ прима.

101 Кор 4,18-21; 1 Птр 5,3Затоа, ако дојдам, ќе му напомнам за делата што ги прави, напаѓајќи нѐ со лоши зборови; и тоа не му е до­волно, туку браќата и сам не ги прима, а им забранува и на оние што сакаат да ги примаат и ги гони од Цр­к­вата.

111 Птр 3,11; 1 Јн 3,6Возљубен, не угледувај се на зло­то, туку на доброто. Кој прави добро, од Бог е; а кој прави зло, не Го видел Бо­га.

12Изреки 22,1; Јн 19,35; 21,24; 1 Птр 2,12; 1 Јн 5,6За Димитриј посведочија сите, па и самата вистина; а сведочиме и ние; а вие знаете дека нашето сведоштво е вистинито.

Завршни поздрави

13 2 Јн 1,12 Многу имав да ти пишувам, но не сакав да ти напишам со мастило и перо,

14зашто се надевам дека наскоро ќе те видам, и дека ќе позборуваме лице в ли­це.

15Мир на тебе! Те поздравуваат прија­телите. Поздрави ги пријателите по име. Амин!