Hebreaid 13 - Yr Oraclau Bywiol - Welsh New Testament by John Williams 1842

1-25Parâed brawdgarwch. Nac annghofiwch lettygarwch; canys wrth hyny y llettyodd rhai angylion yn ddiarwybod. Cofiwch y rhai sydd yn rwym, fel pe byddech yn rwym gyda hwynt; a’r rhai cystuddiol, megys yn bod eich hunain hefyd yn y corff. Byded priodas yn anrhydeddus yn mhlith pawb, a’r gwely yn ddihalogedig; oblegid puteinwyr a godinebwyr á farna Duw. Bydded eich ymarweddiad yn ddiariangar, gàn fod yn foddlawn i’r hyn sy gennych; canys efe ei hun á ddywedodd, “Ni’th roddaf i fyny, a ni’th lwyr‐adawaf chwaith.” Fel y gallwn ddywedyd yn hŷ, “Yr Arglwydd sy gymhorth i mi, a nid ofnaf beth á wnel dyn i mi.” Meddyliwch am eich blaenoriaid, y rhai á draethasant i chwi air Duw; ffydd y rhai dilynwch, gàn ystyried diwedd eu hymarweddiad hwynt. Iesu Grist, ddoe a heddyw yr un, ac yn dragywydd. Na’ch arweinier oddamgylch âg athrawiaethau amryw a dyeithr; canys da yw bod y galon wedi ei chryfâu â rhad, nid â bwydydd, drwy y rhai ni chafodd y sawl à rodiasant ynynt, fudd. Y mae genym ni allor, o’r hon nid oes hawl gàn y rhai sydd yn gwasanaethu y babell i fwyta. Hefyd, cyrff yr anifeliaid hyny, y rhai y dygir eu gwaed gàn yr archoffeiriad i’r cysegr, yn offrwm dros bechod, a losgir y tu allan i’r gwersyll; oherwydd paham Iesu hefyd, fel y santeiddiai y bobl â’i waed ei hun, á ddyoddefodd y tu allan i’r porth. Am hyny, ynte, awn ninnau ato ef o’r tu allan i’r gwersyll, gàn ddwyn ei waradwydd ef. Canys nid oes i ni yma ddinas barâus, eithr un i ddyfod yr ŷm ni yn ei dysgwyl. Drwyddo ef, gàn hyny, offrymwn aberth moliant yn wastadol i Dduw; sef ffrwyth ein gwefusau, yn cyffesu iddei enw ef. Ond gwneuthur daioni, a chyfranu, nac annghofiwch; canys â chyfryw ebyrth y rhyngir bodd Duw. Ufyddêwch i ’ch blaenoriaid, ac ymddarostyngwch; oblegid y maent hwy yn gwylio dros eich eneidiau chwi, megys rhai y bydd raid iddynt roddi cyfrif; – fel y gallont wneuthur hyny yn llawen, a nid yn drist; canys difudd i chwi fyddai hyny. Gweddiwch drosom ni; canys yr ydym yn hyderu bod genym gydwybod dda, gàn ewyllysio ymddwyn yn addas yn mhob peth. Ac yr ydwyf yn daerach yn dymuno gwneuthur o honoch hyn, fel y caffwyf fy adfer i chwi yn gynt. A Duw yr heddwch, yr hwn á ddyg yn ol oddwrth y meirw ein Harglwydd Iesu, Bugail mawr y defaid, drwy waed y sefydliad tragwyddol, á’ch cymhwyso i bob gwaith da, i wneuthur ei ewyllys ef, gàn weithio ynoch ýr hyn sy gymeradwy yn ei olwg ef, drwy Iesu Grist; i’r hwn y byddo y gogoniant yn oes oesoedd. Amen. Ac yr ydwyf yn attolwg i chwi, frodyr, goddefwch air y cynghor hwn, oblegid àr fyr eiriau yr ysgrifenais atoch. Gwybyddwch ollwng ymaith ein brawd Timotheus, gyda’r hwn, os daw efe àr fyrder, yr ymwelaf â chwi. Anerchwch eich holl flaenoriaid, a’r holl saint. Y mae y rhai o’r Eidal yn eich anerch. Rhad fyddo gyda chwi oll. Amen.