2 Thessaloniaid 3 - Yr Oraclau Bywiol - Welsh New Testament by John Williams 1842

1-5Bellach, frodyr, gweddiwch drosom ni, àr fod i air yr Arglwydd redeg, a chael ei goroni, megys gyda chwithau. Ac àr fod i ni gael ein gwaredu oddwrth ddynion anhywaith a drygionus; canys nid oes ffyddlondeb gàn bawb. Eithr ffyddlawn yw yr Arglwydd, yr hwn á’ch cadarnâa chwi, ac a’ch ceidw rhag y fall. Canys y mae genym hyder yn yr Arglwydd am danoch, eich bod yn gwneuthur, ac y gwnewch, y pethau yr ydym yn eu gorchymyn i chwi. A’r Arglwydd á gyfarwyddo eich calonau chwi at gariad Duw, ac i amynedd Crist.

6-18Ac yr ydym yn gorchymyn i chwi, frodyr, drwy enw ein Harglwydd Iesu Grist, gilio o honoch ymaith oddwrth bob brawd, y sydd yn rhodio yn afreolus, a nid yn ol y traddodiad a dderbyniodd efe genym ni. Oblegid gwyddoch eich hunain, pa fodd y dylech ein dilyn ni; – na rodiasom yn afreolus yn eich plith chwi; na fwytasom chwaith fara yn rhodd, oddwrth neb; ond mewn llafur a lludded, ni á weithiasom nos a dydd, fel na phwysem àr neb o honoch. Nid am nad oes genym hawl, ond fel y rhoddem ein hunain yn gynllun i chwi, idd ein dilyn. Ac am hyny, pan oeddym gyda chwi, hyn á orchymynasom i chwi, od oes neb ni fỳn weithio na fwytäed chwaith. Canys yr ydym yn clywed bod rhai eto yn rhodio yn eich plith chwi yn afreolus, heb weithio dim, ond yn chwiliota i orchwylion rhai ereill. Ac i’r cyfryw, gorchymyn yr ydym ac attolwg drwy ein Harglwydd Iesu Grist, àr iddynt weithio drwy lonyddwch, a bwyta eu bara eu hunain. A chwithau, frodyr, na ddiffygiwch yn gwneuthur daioni. Ac od oes neb heb ufyddâu i’n gorchymyn yn y llythyr yma, nodwch hwnw allan, a na fydded i chwi gymdeithas âg ef, fel y cywilyddio efe. Er hyny na chymerwch ef megys gelyn, either cynghorwch ef fel brawd. Ac Arglwydd y tangnefedd ei hun á roddo i chwi dangnefedd yn wastadol yn mhob modd. Yr Arglwydd á fyddo gyda chwi oll. Fy anerch i, Paul, â’m llaw fy hun, yr hyn yw yr arwydd yn mhob llythyr: fel hyn yr ydwyf yn ysgrifenu. Rhad ein Harglwydd Iesu Grist á fyddo gyda chwi oll. Amen.