Hebreaid 3 - Yr Oraclau Bywiol - Welsh New Testament by John Williams 1842

1-19Oherwydd paham, frodyr santaidd, cyfranogion o’r galwedigaeth nefol, ystyriwch Iesu, yr Apostol a’r Archoffeiriad à gyffesasom ni; yr hwn, megys ag y bu Moses, sy ffyddlawn i’r hwn à’i gosododd ef àr ei holl dŷ. Yn wir, fe gyfrifwyd hwn yn haeddu gogoniant o hyny yn fwy na Moses, o gymaint ag y mae anrhydedd yr adeiladydd yn fwy na’r eiddo y tŷ. Canys pob tŷ á adeiledir gàn ryw un; ond efe, adeiladydd pob peth, Duw ydyw. A Moses, yn wir, megys gwas, á fu ffyddlawn yn ei holl dŷ ef, èr tystiolaeth i’r pethau oedd i gael eu llefaru ganddo ef; eithr Crist, megys Mab àr ei dŷ ei hun; – tŷ yr hwn ydym ni, os nyni á geidw ein hyder, a gorfoledd ein gobaith yn sicr hyd y diwedd. Am hyny, megys y mae yr Ysbryd Glan yn dywedyd, “Heddyw, os gwrandewch àr ei leferydd ef, na chaledwch eich calonau, megys yn y cyffroad, yn nydd y profedigaeth yn y diffeithwch; lle y temtiodd eich tadau fi, ac y profasant fi, ac eto à welsant fy ngweithredoedd ddeugain mlynedd. Am hyny y digiais wrth y genedlaeth hòno, ac y dywedais, ‘Y maent bob amser yn cyfeiliorni yn eu calonau, a nid adnabuant fy ffyrdd i.’ Fel y tyngais yn fy llid, ‘Ni chant fyned i fewn i’m gorphwysfa i.’” Edrychwch, frodyr, na byddo yn neb o honoch galon ddrwg annghrediniol, drwy ymadaw oddwrth y Duw byw. Eithr, fel na chaleder neb o honoch drwy dwyll pechod, cynghorwch eich gilydd bob dydd tra y gelwir ef Heddyw: (canys cyfranogion o Grist ydym ni oll, os daliwn ein hyder cyntaf yn sicr hyd y diwedd;) â’r dywediad yma, “Heddyw, os gwrandewch àr ei leferydd ef, na chaledwch eich calonau, megys yn y cyffroad.” Pwy, ynte, gwedi iddynt glywed, á’i cyffroisant ef? Onid pawb, yn ddiau, à ddaethant o’r Aifft drwy Foses? Ac wrth bwy y digiodd efe ddeugain mlynedd? Onid wrth y rhai à bechasant, y rhai y syrthiodd eu cyrff yn y diffeithwch? Ac wrth bwy y tyngodd efe, na chaent fyned i fewn iddei orphwysfa ef, ond wrth y rhai ni chredasant? Felly yr ydym yn gweled nas gallent hwy fyned i fewn oherwydd annghrediniaeth.