Rhufeiniaid 16 - Yr Oraclau Bywiol - Welsh New Testament by John Williams 1842

1-27Yr wyf yn gorchymyn i chwi Phebe, ein chwaer, yr hon sy weinidoges i’r gynnulleidfa yn Nghenchrea, fel y derbynioch hi yn yr Arglwydd, megys y mae yn weddus i saint, a’i chynnorthwyo hi yn mha beth bynag y bo raid iddi wrthych: canys, yn wir, hi á fu yn gymhorth i lawer, ac yn enwedig i mi. Anerchwch Briscila ac Acwila, fy nghydweithwyr yn Nghrist Iesu. Y rhai hyn, dros fy mywyd i, á ddodasant eu gyddfau eu hunain i lawr; i’r rhai nid wyf fi yn unig yn diolch, ond hefyd holl gynnulleidfäoedd y Cenedloedd. Anerchwch, hefyd, y gynnulleidfa sydd yn eu tŷ hwynt. Anerchwch Epenetus, fy anwylyd, yr hwn yw blaenffrwyth Asia i Grist. Anerchwch Fair, yr hon á gymerodd lawer o boen erom ni. Anerchwch Andronicus a Iuwnia, fy ngheraint a’m cydgarcharorion, y rhai sy hynod yn mhlith yr Apostolion, y rhai hefyd oeddynt yn Nghrist o’m blaen i. Anerchwch Amplias, fy anwylyd yn yr Arglwydd. Anerchwch Urbanus, ein cydweithiwr yn Nghrist, a Stachys, fy anwylyd. Anerchwch Apèles, y cymeradwy yn Nghrist. Anerchwch y rhai sydd o dylwyth Aristobulus. Anerchwch Herodion, fy nghâr. Anerchwch y rhai sydd o dylwyth Narcissus, y rhai sydd yn yr Arglwydd. Anerchwch Dryphena a Thryphosa, y rhai sydd yn cymeryd poen yn yr Arglwydd. Anerchwch yr anwyl Bersis, yr hon á gymerodd lawer o boen yn yr Arglwydd. Anerchwch Ruwfus, yr etholedig yn yr Arglwydd, a’r hon sy fam iddo ef ac i minnau. Anerchwch Asyncritus, Phlegon, Hermas, Patrobas, Hermes, a’r brodyr gyda hwynt. Anerchwch Philologus, ac Iuwlia, Nerëus, a’i chwaer, ac Olympas, a’r holl saint y rhai sy gyda hwynt. Anerchwch eich gilydd â chusan santaidd. Y mae cynnulleidfäoedd Crist yn eich anerch. Ac yr wyf yn attolwg i chwi, frodyr, graffu àr y rhai sydd yn peri annghydfod a rhwystrau, yn groes i’r athrawiaeth à ddysgasoch chwi; a chiliwch oddwrthynt. Canys y rhai sy gyfryw, nid ydynt yn gwasanaethu ein Harglwydd Iesu Grist, eithr eu bol eu hunain; a thrwy ymadrodd teg a gweniaith, yn twyllo calonau y rhai annichellgar. Canys eich ufydd‐dod chwi á ddaeth àr led at bawb. Yr wyf fi, gàn hyny, yn llawen o’ch rhan chwi; eto myfi á ewyllysiwn i chwi fod yn ddoethion tuagat y peth sy dda; ac yn wirion tuagat y peth sy ddrwg. Boed i Dduw y tangnefedd sathru Satan dàn eich traed àr frys! Rhad ein Harglwydd Iesu Grist fyddo gyda chwi. Y mae Timothëus, fy nghydweithiwr, a Luwcius, ac Iason, a Sosipater, fy ngheraint, yn eich anerch. Yr wyf fi Tertius, yr hwn á ysgrifenais y llythyr hwn, yn eich anerch yn yr Arglwydd. Y mae Gaius, fy llettywr i, a’r holl gynnulleidfa, yn eich anerch. Y mae Erastus, goruchwyliwr y ddinas, yn eich anerch, a’r brawd Cwartus. Rhad ein Harglwydd Iesu Grist fyddo gyda chwi oll. Amen. Yn awr, i’r Hwn à ddichon eich cadarnâu yn ol fy efengyl i a phregethiad Iesu Grist, yn ol dadguddiad y dirgelwch, yr hwn á gadwyd yn ddystaw yn yr oesoedd gynt, (eithr yn awr á eglurwyd drwy ysgrifeniadau y proffwydi, a thrwy orchymyn y tragywyddol Dduw a hysbyswyd i’r holl Genedloedd, èr mwyn ufydd‐dod ffydd:) i’r doeth Dduw yn unig, drwy Iesu Grist, iddo ef y byddo y gogoniant yn dragywydd. Amen.