1 Thessaloniaid 1 - Yr Oraclau Bywiol - Welsh New Testament by John Williams 1842

1 Paul, a Silfanus, a Thimothëus, at gynnulleidfa y Thessaloniaid, yr hon sydd yn Nuw Dad, ac yn yr Arglwydd Iesu Grist: Rhad i chwi, a thangnefedd oddwrth Dduw ein Tad, ac oddwrth ein Harglwydd Iesu Grist.

2-10Yr ydym yn diolch i Dduw yn wastadol drosoch chwi oll, gàn goffâu am danoch yn ein gweddiau; gàn gofio yn ddibaid waith eich ffydd chwi, a llafur eich cariad, ac ymaros eich gobaith yn ein Harglwydd Iesu Grist, yn ngolwg Duw, sef ein Tad ni; gàn wybod, frodyr caredig gàn Dduw, eich etholedigaeth chwi: oblegid ni ddaeth ein hefengyl ni atoch mewn gair yn unig, eithr hefyd gyda nerth, a chyda ’r Ysbryd Glan, a chyda sicrwydd mawr: megys y gwyddoch pa fath rai á fuom ni yn eich plith, èr eich mwyn chwi. A chwi á aethoch yn ddilynwyr i ni, ac i’r Arglwydd, wedi derbyn y gair mewn gorthrymder mawr, gyda llawenydd yr Ysbryd Glan. Hyd onid aethoch yn enghreifftiau i’r holl gredinwyr yn Macedonia ac Achaia. Hefyd, oddwrthych chwi y dadseiniodd gair yr Arglwydd, nid yn unig yn Macedonia ac Achaia; ond hefyd yn mhob màn y mae eich ffydd chwi tuagat Dduw gwedi myned àr led, fel na raid i ni ddywedyd dim. Canys y maent hwy eu hunain yn mynegi am danom ni, pa fath ddyfodiad i fewn á gawsom atoch chwi, a pha fodd y troisoch at Dduw oddwrth eilunod, i wasanaethu y bywiol a’r gwir Dduw; ac i ddysgwyl am ei Fab ef o’r nefoedd, yr hwn á gyfododd efe o feirw, sef Iesu, yr hwn sydd yn ein gwaredu ni oddwrth y digofaint y sydd àr ddyfod.