Titus 1 - Yr Oraclau Bywiol - Welsh New Testament by John Williams 1842

1-4 Paul, gwas i Dduw, ac Apostol i Iesu Grist, (èr mwyn ffydd etholedigion Duw, a chydnabyddiaeth y gwirionedd y sydd èr duwioldeb, – dan obaith bywyd tragwyddol, yr hwn á addawodd y digelwyddog Dduw cyn amseroedd yr oesau; – yr hwn yn awr á eglurodd ei air, yn yr amser priodol, drwy y cyhoeddedigaeth am yr hwn yr ymddiriedwyd i mi, yn ol gosodiad Duw ein Hiachawdwr;) at Ditus, fy mab naturiol, yn ol y ffydd gyffredin: Rhad, trugaredd, a thangnefedd, oddwrth Dduw Dad, ac oddwrth yr Arglwydd Iesu Grist, ein Hiachawdwr.

5-16Er mwyn hyn yth adewais yn Nghreta, fel yr iawndrefnit y pethau oedd yn ol, ac y gosodit henuriaid yn mhob dinas, megys y gorchymynais i ti. Os yw neb yn ddiargyhoedd, yn wr un wraig, a chanddo blant crediniol, heb gael y gair o fod yn afradlon, neu yn afreolus. – Canys dylai arolygwr fod yn ddiargyhoedd, fel goruchwyliwr Duw; nid yn gyndyn, nid yn ddigllawn, nid yn wingar, nid yn darawydd, nid yn budrelwa; eithr yn llettyugar, yn caru dynion da, yn bwyllig, yn gyfiawn, yn santaidd, yn dymherus; yn dal yn lew y wir athrawiaeth, megys y dysgwyd ef; fel y gallo drwy athrawiaeth iachus, gynghori ac argyhoeddi y rhai sydd yn gwrthddywedyd. Canys y mae llawer yn afreolus, yn ofersiaradus, ac yn dwyllwyr, yn enwedig y rhai o’r enwaediad, y rhai y mae yn raid cau eu safnau: y rhai sydd yn dymchwelyd teuluoedd cyfan, gàn athrawiaethu pethau ni ddylid èr mwyn budr elw. Un o honynt hwy eu hunain, un o’u prophwydi hwy eu hunain, á ddywedodd, “Y Cretiaid sy bob amser yn gelwyddog, drwg fwystfilod, glythion gor-ddiog” Y dystiolaeth hon sydd wir; am ba achos argyhoedda hwy yn llym, fel y byddont iach yn y ffydd, heb roi coel i chwedlau Iuddewaidd, a gorchymmynion dynion y rhai sydd yn gwyrdroi y gwirionedd. Pur yn ddiau yw pob bwyd i’r rhai pur; eithr i’r rhai halogedig a’r diffydd, nid pur dim; canys halogedig yw hyd y nod eu meddwl a’u cydwybod hwy. Y maent yn proffesu yr adwaenant Dduw; eithr àr weithredoedd ei wadu y maent, gàn fod yn ffiaidd ac yn anufydd, ac at bob gwaith da yn annghymeradwy.