1 Thessaloniaid 4 - Yr Oraclau Bywiol - Welsh New Testament by John Williams 1842

1-8Am yr hyn sydd yn ol gàn hyny, frodyr, yr ydym yn attolygu i chwi ac yn eich cynghori drwy yr Arglwydd Iesu, megys y derbyniasoch genym, pa fodd y dylech rodio, a boddloni Duw, ar fod o honoch yn hyny yn helaethach. Canys chwi á wyddoch pa orchymynion á roisom i chwi drwy yr Arglwydd Iesu; canys hyn yw ewylls Duw, sef eich santeiddiad chwi, àr ymgadw o honoch rhag puteindra – àr fedru o bob un o honoch feddiannu ei gorff ei hun mewn santeiddrwydd a pharch; – nid mewn gwyn trachwantus, fel y Cenedloedd y rhai nid adwaenant Dduw. – Na bo i neb fyned dros derfynau, neu dwyllo ei frawd yn y peth hwn, canys dialydd yw yr Arglwydd i’r rhai hyn oll; megys hefyd y dywedasom o’r blaen, ac y tystiasom mewn modd arbenig i chwi; oblegid ni alwodd Duw ni i aflendid, ond i santeiddrwydd. Am hyny, y sawl y sydd yn ein diystyru ni, nid dyn y mae yn ei ddiystyru, ond Duw, yr hwn yn ddiau á roddes i ni ei Ysbryd Glan.

9-12Ond, am frawdgarwch, ni raid i chwi ysgrifenu o honof atoch; canys yr ydych eich hunain wedi eich dysgu gàn Dduw i garu eich gilydd. Ac, yn wir, yr ydych yn ei wneuthur tuagat bawb o’r brodyr y sy drwy holl Facedonia; ond yr ydym yn eich cynghori chwi, frodyr, i gynnyddu eto yn fwy, ac ymorchestu o honoch i fod yn llonydd; a gwneuthur eich gorchwylion eich hunain, a gweithio a’ch dwylaw eich hunain, megys y gorchymynasom i chwi: fel y rhodioch yn weddaidd tuagat y rhai sydd oddi allan, a na byddo arnoch eisieu dim.

13-18Hefyd, ni fỳnwn i chwi fod heb wybod, frodyr, am y rhai à hunasant; fel na thristâoch, fel y lleill, y rhai nid oes ganddynt obaith. Canys os ydym yn credu farw Iesu, a’i adgyfodi; felly hefyd, y rhai à hunasant, á ddwg Duw drwy Iesu gydag ef. – Gyda hyny, hyn yr ydym yn ei sicrâu i chwi, drwy air yr Arglwydd, na bydd i ni y rhai byw, y rhai fydd yn aros yn nyfodiad yr Arglwydd, ragflaenu y rhai à hunasant; oblegid yr Arglwydd ei hun á ddisgyn o’r nef, gyda bloedd, gyda llef yr Arch Angel, a chydag udgorn Duw. A’r meirw yn Nghrist á gyfodant yn gyntaf; wedi hyny, ninnau y rhai byw, y rhai fydd yn aros, á gipir i fyny gyda hwynt mewn cymylau i gyfarfod â’r Arglwydd yn yr awyr; a felly y byddwn gyda’r Arglwydd yn dragywydd. Am hyny, dyddenwch eich gilydd â’r ymadroddion hyn.