Rhufeiniaid 12 - Yr Oraclau Bywiol - Welsh New Testament by John Williams 1842

1-21Am hyny, frodyr, yr wyf yn attolwg i chwi, èr tosturiaethau Duw, roddi o honoch eich cyrff yn aberth byw, santaidd, cymeradwy gàn Dduw, yr hyn yw eich rhesymol wasanaeth chwi. A na chydymffurfiwch â’r byd hwn, eithr ymnewidiwch drwy adnewyddiad eich meddwl; fel y profoch beth yw daionus, a chymeradwy, a pherffaith ewyllys Duw. Hefyd, drwy y rhad à roddwyd i mi, yr wyf yn erchi i bob un o honoch, na thybio yn uwch am dano ei hun nag y dylai dybied; eithr tybied i iawndybied, fel y rhànodd Duw i bob un gyfran o ffydd. Canys, megys mewn un corff y mae genym aelodau lawer, ond nid oes gàn yr holl aelodau yr un swydd; felly ninnau, y llawer, ydym un corff dàn Grist, a phob un yn aelodau y naill i’r llall. Gan fod i ni, gàn hyny, ddoniau yn amrywio yn ol y rhad à roddwyd i ni; – pa un bynag ai proffwydoliaeth, gwnawn hyny yn ol y mesur ffydd; os swydd weinidogaethol, yn y swydd hòno; neu os dysgawdwr, wrth ddysgu; a’r cynghorwr, mewn cynghor. Yr hwn sydd yn cyfrànu, gwnaed hyny yn anhunangar; yr hwn sydd yn blaenori, mewn diwydrwydd; yr hwn sydd yn trugarâu, gyda sirioldeb. Bydded cariad yn ddiragrith. Casêwch y drwg; glynwch wrth y da. Mewn brawdgarwch, byddwch garedig i’ch gilydd; mewn parch, yn blaenori eich gilydd. Nid yn ddiog yn eich gorchwyliaeth. Byddwch wresog yn yr ysbryd: yn ddyfal yn gwasanaethu yr Arglwydd. Byddwch lawen mewn gobaith, yn ddyoddefgar mewn cystudd, yn dyfalbarâu mewn gweddi. Cyfrenwch at gyfreidiau y saint. Dylynwch lettygarwch. Bendithiwch y rhai sydd yn eich erlid; bendithiwch, a na felldithiwch. Byddwch lawen gyda ’r rhai sy lawen, ac wylwch gyda ’r rhai sydd yn wylo. Byddwch o’r un duedd tuagat eich gilydd. Na roddwch eich meddwl àr uchel bethau; eithr byddwch gydostyngedig â’r rhai iselradd. Na fyddwch ddoethion yn eich tyb eich hunain. Na thelwch i neb ddrwg am ddrwg. Darperwch bethau onest yn ngolwg pob dyn. Yr hyn à berthyn i chwi yw, byddwch heddychlawn â phob dyn, os yw alledig. Nac ymddielwch, rai anwyl, ond rhoddwch le i ddigofaint Duw; canys y mae yn ysgrifenedig, “I mi y perthyn dial; myfi á dalaf, medd yr Arglwydd.” Am hyny, os dy elyn á newyna, portha ef: os sycheda, dyro iddo ddiod: canys wrth wneuthur hyn, ti á bentỳri farwor tanllyd àr ei ben ef. Na orchfyger di gàn ddrygioni, eithr gorchfyga di ddrygioni drwy ddaioni.