Nnwom 70 - Akuapem Twi Nkwa As?m（AKCB）

Dwom 70Dawid adesrɛ dwom.

1Ao, Onyankopɔn, yɛ ntɛm gye me nkwa;

Awurade bra ntɛm bɛboa me.

2Ma wɔn a wɔhwehwɛ me kra no

anim ngu ase na wɔnyɛ basaa;

ma wɔn a wɔhwehwɛ me sɛe no nyinaa

mfa animguase nsan wɔn akyi.

3Ma wɔn a wɔka, “Ɔtwea! Ɔtwea!” kyerɛ me no

nsan wɔn akyi, esiane wɔn aniwu nti.

4Nanso ma wɔn a wɔhwehwɛ wo nyinaa

nsɛpɛw wɔn ho na wɔn ani nnye wɔ wo mu;

ma wɔn a wɔdɔ wo nkwagye no nka da biara se,

“Onyankopɔn yɛ ɔkɛse!”

5Me de meyɛ ohiani a minni ɔboafo;

Ao, Onyankopɔn, bra me nkyɛn ntɛm.

Wo ne me boafo ne me gyefo;

Awurade, ntwentwɛn wʼanan ase.