1Arumanacajj iquiñajjanjja nayan munasitajjaruw thakta.
Juparusti thaktwa, ucampis janiw jicjjatcti.
2Ucatsti sartasinjja marcpachwa muytanta,
callenacana, uqhamarac plazanacana, nayan ancha munatajjaru thakasajja.
Thaktwa, ucampis juparojj janiw jicjjatcti.
3Marca uñjirinacaruw jisct'asta aqham sasa:
“¿Janit jumanacajj nayan ancha munatajjaru uñjapctajja?” sasa.
4Jupanacampi uqham jiquisiwayasa mä juc'a sartatajjarusti, nayan ancha munatajjampejj jiquisjjactwa.
Amparapata wayjjarusinsti jan antutjasaw taycajjan utjäwiparojj irpawayta.
Chacha5Jerusalenanquir warminaca, arsupjjeta phokhañataqui pampanquir tarujanaca, uqhamarac cabritonac laycu,
jan munatajjarojj sartayapjjamti.
¡Jan ucasti ict'ascpan cunapachcamatejj munqui ucqhacama!
Quimsïr k'ochuWaljani6¿Cunas wasar toketa jutqui ucajja,
mirrampi, inciensompi, uqhamarac take casta k'apquir kollanacampi k'aphichatäcaspas uca jiwk'e taypi jutqui ucajja?
7¡Ucajj Salomonan callnakaña konuñapawa!
Israel marcana jan ajjsariri sojjta tunca soldadonacampi muyuntataw juti;
8take jupanacasti nuwasiñjja sumwa yatipjje,
espadanacapsa sumwa apnakaña yatipjje;
aruma ajjsarcañ ch'amacanacataquisti
sapa mayniwa espadanacapa cinturanacaparu apapjje.
9Salomón reyisti callnakaña konuñapjja Libanonquir suma lawanacatwa lurasi.
10Sayirinacapasti kollket luratawa,
jiqhani kemcattañapasti korit lurataraquiwa,
kont'añapasti púrpura sat telat lurataraquiwa;
mankhasti, Jerusalenanquir warminacan c'achachataraquiwa take munasiñanacapampi.
11Sión marcanquir warminaca,
¡Salomón reyer uñjir mistunipjjam!
Coronampi ucht'atawa,
taycapajj lurcatayna casarasiñ urupataqui ucampi ucht'atawa,
jacäwipan cusiscañ urupana.
Who We AreWhat We EelieveWhat We Do
2025 by iamachristian.org,Inc All rights reserved.
