AMahubo 15 - IsiZulu 2020

Ngubani Oyakuhlala Ebukhoneni BukaSimakade

1Simakade, ngubani

oyakuhlala ethendeni lakho na?

Ngubani oyakukwakha entabeni yakho engcwele na?

2Yilowo onkambo yakhe ingenasici,

futhi owenza ukulunga,

okhuluma iqiniso enhliziyweni yakhe;

3ongahlebi ngolimi lwakhe,

ongenzi okubi kumngani wakhe,

nongamhleki usulu umakhelwane wakhe;

4obenyanyayo abanengekayo,

kepha ebazisa abesaba uSimakade;

owenza isifungo asigcine,

noma isimo singamvumeli;

5ongatshelekisi ngemali

ukuba athole inzuzo,

nongadizelwa ukuze

alahle ngecala omsulwa.

Owenza lezi zinto

akasoze azanyazanyiswa,

kuze kube phakade.