ПСАЛМИ 124 - Библи?а: Стариот и Новиот Завет, Константинов（MKB）

Благодарност за чудесно избавување1. Бог - единствен избавителДавидова песна за воздигање

1Ако не беше Господ со нас - нека рече Израел -

2ако не беше Господ со нас, кога се кренаа луѓето против нас,

3ќе нѐ проголтаа живи. Кога пламна нивната јарост против нас,

4водата ќе нѐ издавеше, поројот ќе нѐ одвлечеше,

5здивените води ќе нѐ потопеа сите.

2. Фала на Избавител

6Благословен да е Господ, Кој не нѐ даде за плен на нивните заби!

7Нашата душа избега како птица од примката на ловецот: примката се скина, а ние се избавивме!

8Нашата помош е во Името на Господа, Кој ги создаде небото и земјата.