1Busa, kay gilibotan man kita niining dakong pundok sa mga saksi, isalikway ta ang tanan nga nakababag kanato ug ang sala nga naghawid kanato pag-ayo. Daganon ta nga matinud-anon ang lumba nga atong gisalmotan.
2Itutok ta ang atong mga mata ngadto kang Jesus nga maoy gisandigan sa atong pagtuo ug tighingpit niini. Wala siya mosibog bisan pa sa iyang pag-antos sa krus ug wala niya igsapayan ang kaulaw sa pagpakamatay didto sa krus tungod sa kalipay nga madawat niya. Ug naglingkod siya sa tuo sa trono sa Dios.
3Palandonga kon unsa ang iyang giantos ug giunsa niya sa pagpailob taliwala sa labihang pagsupil sa mga makasasala aron dili kamo maluya ug mabugnaw.
4Sa inyong pagpakigbisog batok sa sala wala pa gayod kamo makig-away hangtod sa kamatayon.
5Nalimot
18KayExo. 19:16-22; 20:18-21; Deut. 4:11-12; 5:22-27. wala kamo moduol sa usa ka bukid nga mahikap diin didtoy nagdilaab nga kalayo, kangitngit, kangiob ug bagyo.
19Wala kamo moduol sa dapit nga may lanog sa trumpeta ug usa ka tingog nga sa pagkadungog sa mga Israelita sa maong tingog, nangaliyupo sila sa Dios nga mohunong na unta kini.
20KayExo. 19:12-13. wala sila makaantos nga maminaw sa mando nga nag-ingon, “Bisan ang mananap nga motunob sa bukid kinahanglan batoon gayod hangtod mamatay.”
21MakalilisangDeut. 9:19. kaayo ang talan-awon nga tungod niini miingon si Moises, “Nalisang ako ug nagkurog!”
22Apan ang giduol ninyo mao hinuon ang Bukid sa Sion ug ang siyudad sa buhing Dios, ang langitnong Jerusalem, uban sa linibo ka mga anghel niini.
23Giduol ninyo ang malipayong kahugpungan sa mga panganay nga anak nga ang mga ngalan nahisulat didto sa langit. Giduol ninyo ang Dios, ang maghuhukom sa tanang tawo, ug ang mga espiritu sa mga matarong nga nahingpit na.
24MiduolGen. 4:10. kamo kang Jesus nga maoy naghimo sa bag-ong kasabotan ug ngadto sa gibisibis nga dugo nga nagdalag mas maayong mensahe kay sa dugo ni Abel.
25BusaExo. 20:22. pagmatngon kamo ug ayaw pagdumili sa pagpamati kaniya nga nagsulti. Kadtong midumili sa pagpamati niadtong nagsangyaw sa mensahe sa Dios dinhi sa yuta wala gayod makalikay sa silot. Labi pa kitang dili makalikay kon isalikway nato siya nga nagsulti gikan gayod sa langit!
26AngHag. 2:6 (LXX). iyang tingog nakapakurog kaniadto sa yuta apan karon nagsaad siya, “Pakurogon ko pag-usab dili lamang ang yuta kondili ang langit usab.”
27Ang pulong “pag-usab” nagpasabot nga ang tanang binuhat uyogon ug kuhaon aron kadto lamang dili mauyog mao ray magpabilin.
28Busa magpasalamat kita kay nakadawat man kita ug gingharian nga dili gayod matay-og. Magmapasalamaton kita ug simbahon ta ang Dios sa paagi nga makapahimuot kaniya uban ang pagtahod ug kahadlok.
29KayDeut. 4:24. ang atong Dios sama sa kalayo nga mosunog gayod.
Who We AreWhat We EelieveWhat We Do
2025 by iamachristian.org,Inc All rights reserved.
