1AngExo. 22:25; Lev. 25:35-38. maluluy-on nga tawo magpahulam sa iyang isigkatawo ug siya nga nagtabang nagtuman sa mga sugo sa Ginoo.
2Pahulama ang imong silingan sa panahon sa iyang panginahanglan. Ug kon utangan ka, bayri dayon kini.
3Kon tumanon mo ang imong mga katungdanan, makahimo ikaw kanunay sa paghulam sa imong gikinahanglan.
4Alang sa daghang mga tawo, ang ilang gihulaman daw usa ka butang nga ilang kinit-an ug nahimong ilaha na ug kini nakahatag ug kasamok niadtong mipahulam.
5Adunay mga tawo nga matinahuron nga mosulti, moduko ug mohalok pa gani sa yuta hangtod nga makahulam sila sa ilang gikinahanglan. Apan kon moabot na ang panahon sa pagbayad niini, ila kini nga unya-unyaon. Moingon sila nga naglisod pa sila ug maghimo ug daghang walay hinungdan nga mga balibad.
6Bulahan ang nautangan kon sa iyang pagsigi ug paningil mabawi niya ang bisag katunga na lamang sa nautang kaniya. Kon dili siya mopadayon pagpaningil sa bayad, sama ra nga nakawatan siya sa nanghulam nga nahimo na hinuon niyang kaaway. Ang iyang makuha mao lamang ang mga tunglo, mga insulto ug mga pagdaot inay pasalamat.
7Daghang mga tawo ang magdumili na lang gayod sa pagpahulam, dili tungod kay sila dalo kondili tungod kay dili sila buot nga malimbongan.
Ang Pagkamanggihatagon8Bisan pa niining tanan, pagmasinaboton kanila nga mga kabos. Ayaw paglangaya ang imong hinabang.
9Ang Ginoo nagsugo kanato sa pagtabang sa kabos; ayaw sila pagbalibari sa hinabang nga ilang gikinahanglan.
10Mas maayo pa nga magasto ang imong salapi tungod sa pagtabang sa usa ka igsoon o usa ka higala kay sa tay-an kini ilalom sa usa ka bato.
11Gamita ang imong bahandi sumala sa gisugo sa Labing Halangdon; kini magmapuslanon kanimo kay sa pagtago sa imong salapi alang sa imong kaugalingon.
12Isipa nga usa sa imong mga bahandi ang paghatag ngadto sa mga kabos. Magluwas kini kanimo sa daghang mga kasamok
13ug mas maayo kining panalipod batok sa imong mga kaaway kay sa labing malig-ong mga taming ug labing kusganon nga bangkaw.
Paggarantiya sa mga Utang14Ang usa ka maayong tawo andam sa paggarantiya sa mga utang sa iyang isigkatawo. Anha lamang siya magdumili sa pagbuhat niini kon kawad-an na siya sa tanang kaligdong.
15Kon ang usa ka tawo mogarantiya alang kanimo, ayaw kini paghikalimti; iyang gitahan ang iyang kaugalingon tungod kanimo.
16Adunay pipila ka mga walay igabalos nga mga makasasala nga mobiya sa migarantiya alang kanila ug sila ang hinungdan nga nawad-an sa kabtangan ang migarantiya kanila.
17Ang paggarantiya sa mga utang makapildi sa daghang mga tawo nga maayog kahimtang ug maoy hinungdan sa daghang kasamok.
18May mga gamhanang tawo nga nawad-an ug mga panimalay tungod niini ug napugos sa paglangyaw ngadto sa laing mga nasod.
19Ang usa ka makasasala nga naglaom paghimog ganansya pinaagi sa paggarantiya sa usa ka pahulam mahiapil sa mga buroka.
20Busa tabangi ang imong isigkatawo kutob sa imong mahimo apan panalipdi ang imong kaugalingon aron dili ka madaot.
Ang Panimalay ug ang Pagkamaabiabihon21Ang mga importanteng kinahanglanon sa kinabuhi mao ang tubig, pagkaon, bisti, ug ang usa ka puloy-anan diin walay magsamok kanimo.
22Mas maayo pa ang kabos nga nagpuyo ubos sa kaugalingong pobre nga balay kay sa pagpahimulos sa dagkong mga bangkite diha sa mga balay sa laing mga tawo.
23Pagkuntento sa unsay anaa kanimo diyutay man kini o daghan ug ayaw pagpamati kang bisan kinsa nga magpakaulaw sa imong panimalay ug banay.
24Ang pagbalhinbalhin gikan sa usa ka balay ngadto sa laing balay maoy usa ka alaot nga paagi sa pagpamuyo. Bisan asa ka moadto, magpangikog ka pagsulti kay dili ka man tagbalay.
25Imong abiabihon ang mga bisita ug imo silang paimnon apan walay mopasalamat kanimo. Pakaulawan ka pa hinuon nila.
26Ug kay dili ka man tagbalay, sila moingon: “Hoy! Dali ngari ug andama ang lamisa! Buot akong mokaon sa giandam nimo! Dad-a kana ngari!
27Lakaw na! Aduna akoy importante nga bisita, ang akong igsoon moabot aron pagpamisita ug gikinahanglan ko ang lawak!”
28Lisod alang sa usa ka sensitibong tawo ang pagpangipon pagpuyo ug ang pagsigig paningil kaniya sa iyang nautangan.
Who We AreWhat We EelieveWhat We Do
2025 by iamachristian.org,Inc All rights reserved.
