Sirac 9 - Cebuano Meaning-Based Bible

Mga Babaye

1Ayaw kay tingali unyag malit-ag ikaw nila.

4Ayaw pakig-uban sa mga mag-aawit nga mga babaye kay lansisan ikaw nila.

5Ayaw pagtutok sa usa ka ulay kay tingali unyag mapugos ikaw sa pagbayad sa bili sa usa ka asawa.

6Ayaw itugyan ang imong kaugalingon ngadto sa mga babayeng puta kay tingali unyag mawala kanimo ang tanan nimong katigayonan.

7Busa ayaw pagsuroysuroy diha sa kadalanan o paglulinghayaw sa hilit nga mga dapit sa lungsod.

8Inigkakita nimo sa usa ka maanyag nga babaye, ilingiw ang imong nawong ug ayaw ibutang ang imong hunahuna diha sa katahom ni bisan kinsa nga babaye nga dili nimo asawa. Daghang mga tawo ang nahisalaag tungod sa katahom sa usa ka babaye. Makahaling kini sa kailibgon sama ug usa ka kalayo.

9Ayaw pakigsalo sa asawa sa tawo o pakig-inom kaniya. Tingali unyag matintal ka sa iyang kaanyag ug malaglag ka tungod sa imong kailibgon.

Ang Pagpakighigala sa Ubang mga Tawo

10Ayaw biyai ang usa ka karaang higala; dili gayod ikaw makakita ug usa ka bag-ong higala nga makailis kaniya. Ang panaghigalaay sama sa bino; mosamot kini ka maayo samtang magkadugay.

11Ayaw kasina sa kalamposan sa usa ka makasasala kay wala ikaw masayod unsang matanga sa kaalaotan ang giandam alang kaniya.

12Ayaw paglipaylipay diha sa mga butang nga makalipay sa mga tawo nga dili diosnon. Hinumdomi nga isipon sila nga malapason samtang buhi pa sila.

13Kon magpalayo ikaw sa usa ka tawo nga adunay gahom sa pagpahamtang kanimo sa kamatayon, dili mamiligro ang imong kinabuhi. Apan kon gikinahanglan gayod nga moduol ikaw kaniya, pagbantay pag-ayo kay tingalig patyon ikaw niya. Hibaloi nga ikaw naglakaw taliwala sa tinago nga mga lit-ag ug nga ikaw sayon nga bitikon.

14Ilailaha ang mga tawo sa imong palibot kanimo kutob sa imong mahimo ug pamatig tambag gikan lamang kanila nga makahatag niini.

15Pakigsulti sa maalamon nga mga tawo ug himoa nga ang Balaod sa labing Halangdon mao ang inyong pagahisgotan.

16Pilia ang matarong nga mga tawo nga imong iuban sa pagpangaon. Ang imong labaw nga garbo kinahanglang mao ang imong kahadlok sa Ginoo.

Mga Magmamando

17Ang usa ka batid nga panday gidayeg tungod sa mga butang nga iyang gihimo ug ang kaalam sa usa ka pangulo makita pinaagi sa iyang mga pulong.

18Ang magsultig hinanali ug walay pagbantay kahadlokan ug dumtan sa tanan diha sa lungsod.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help