2 Macabeo 15 - Cebuano Meaning-Based Bible

Ang Bangis nga Laraw ni Nicanor

1Si Nicanor nasayod nga si Judas ug ang iyang mga tawo didto sa kayutaan sa Samaria busa mihukom siya pagsulong kanila sa Adlaw nga Igpapahulay kay makahimo siya pagbuhat niini nga dili siya mamiligro.

2Ang mga Judio nga napugos pagkuyog sa iyang kasundalohan nangamuyo kaniya nga dili himoon ang maong mapintas ug sinalbahis nga buhat, kondili tahoron unta ang adlaw nga gipasidunggan sa Dios nga nagtan-aw sa tanan ang adlaw nga gihimo nga labing balaan sa tanang mga adlaw.

3Unya si Nicanor, ang labing tinunglo nga binuhat sa yuta, nangutana kon may hari ba nga magmamando sa langit nga nagsugo kanila sa pagpasidungog sa Adlaw nga Igpapahulay.

4Ug ang mga Judio mitubag, “Oo, ang buhi nga Ginoo nga nagmando sa langit nagsugo kanamo sa pagpasidungog sa Adlaw nga Igpapahulay.”

5Apan mitubag si Nicanor, “Ako mao ang magmamando sa yuta ug nagsugo ako kaninyo sa paglanit sa inyong mga hinagiban ug sa pagbuhat sa gisugo sa hari.” Apan, wala siya makalampos sa pagtuman sa iyang bangis nga laraw.

Giandam ni Judas ang Iyang Kasundalohan alang sa Gubat

6Sa iyang pagkamapagarbohon, si Nicanor nanghambog nga pabarogon niya ang usa ka bantayog aron pagpasidungog sa iyang kadaogan batok kang Judas ug sa iyang mga tawo.

7Apan bug-os ang pagsalig ni Judas nga ang Ginoo motabang kaniya

8busa giawhag niya ang iyang mga tawo nga dili sila mahadlok sa kaaway. Gidasig sila niya sa paghinumdom giunsa sa Makagagahom pagtabang kanila sa nangagi nga mga panahon ug nga dili sila magduhaduha nga hatagan sila niya sa kadaogan niini usab nga panahona.

9Gibag-o niya ang ilang paglaom pinaagi sa pagbasa kanila gikan sa Balaod ug sa mga Propeta ug pinaagi sa pagpahinumdom kanila sa mga gubat nga ila nang nadaog.

10Sa diha nga ang iyang mga tawo nangisog na alang sa gubat, gihatagan niya sila sa ilang mga sugo ug dungan niana gipahinumdoman sila nga ang mga dili Judio dili kasaligan tungod kay gisupak nila ang kasabotan.

11Gisangkapan niya sa mga hinagiban ang tanan niyang mga tawo, dili pinaagi sa pagdasig kanila sa pagsalig sa ilang mga taming o espada kondili pinaagi sa pagdasig kanila sa mga madasigon nga mga pulong. Iya usab nga gibayaw ang ilang mga kasingkasing pinaagi sa pagsugilon kanila mahitungod sa iyang damgo nga usa ka panan-awon nga ilang kasaligan.

12Sa iyang damgo nakita niya si Onias, ang kanhing Pangulong Pari nga halangdon, mapaubsanon ug maluluy-on, usa ka bantogan nga mamumulong ug nga sukad sa pagkabatan-on gitudloan sa matarong nga pagkinabuhi. Nakita niya nga si Onias, binayaw ang mga kamot ngadto sa langit, nag-ampo alang sa tibuok nasod nga Judio.

13Unya nakita ni Judas ang usa ka tawo nga sa iyang pagkaubanon makita ang iyang dakong dungog ug gahom.

14Miingon si Onias, “Kini mao ang propeta sa Dios nga si Jeremias nga nahigugma sa iyang isigka-Judio ug naghalad ug daghang mga pag-ampo alang kanato ug alang sa Jerusalem, ang balaan nga siyudad.”

15Unya gitunol ni Jeremias pinaagi sa iyang tuong kamot ang usa ka espada nga bulawan ngadto kang Judas. Giingnan niya si Judas,

16“Kining balaan nga espada maoy usa ka gasa gikan sa Dios. Kuhaa kini ug laglaga ang imong mga kaaway.”

17Ang mga pulong ni Judas nakadasig sa tanan ug nakadugang sa ilang kaisog ug nakalamdag sa mga batan-on sa pagpakig-away sama sa mga lalaki nga hamtong. Ang ilang siyudad, ang ilang relihiyon ug ang ilang Templo nahimutang sa peligro. Busa nalig-on ang mga hunahuna sa mga Judio nga dili usikan ang bisan unsang panahon kondili sa paghimo ug usa ka mapangahason nga sulong batok sa kaaway ug paghimog maisogon nga paghukom sa ilang kapalaran diha sa pag-asdang nga dinul-anay.

18Wala kaayo sila mabalaka mahitungod sa ilang kaugalingong mga banay ug mga paryenti kondili mahitungod sa ilang balaan nga Templo.

19Ug ang mga tawo nga kinahanglan magpabilin sa Jerusalem nabalaka pag-ayo unsay mahitabo didto sa hawan nga natad sa panggubatan.

Ang Kapildihan ug ang Kamatayon ni Nicanor

20Ang tanan nagpaabot kinsa ang makadaog sa gubat. Ang kasundalohan sa mga kaaway nagpadulong na uban sa ilang kasundalohang nagkabayo nga didto sa isigkakilid nila ug ang ilang mga elepante gipahimutang sa mga pinili nga mga dapit.

21Nakita ni Judas Macabeo ang dakong pundok sa kasundalohan sa kaaway, ang daghang matang sa ilang mga hinagiban ug ang mapintas nga mga elepante. Unya gibayaw niya ang iyang mga kamot ngadto sa langit ug nag-ampo ngadto sa Ginoo nga nagbuhat ug mga milagro tungod kay nasayod siya nga ang Ginoo mao ang naghatag ug kadaogan kanila nga angay niini, dili kanila nga adunay gamhanan nga kasundalohan.

22Miingon nga mao ang ika-13 ka adlaw sa ika-12 nga bulan nga gitawag sa Aramaico ug Adar.

Kataposang mga Pulong

37Ingon niadto ang nahitabo kang Nicanor. Ang siyudad sa Jerusalem nagpabilin nga kaugalingon sa katawhan nga Judio sukad niadtong panahona busa taposon ko ang akong sugilanon dinhi.

38Kon maayo ang pagkasulat niini ug sayon sabton, malipay ako. Apan kon dili maayo ang pagkasulat niini ug dili makalingaw, gihimo ko na ang labing maayo nga akong mahimo.

39Nahibalo kami nga dili maayo sa lawas ang pag-inom ug pulos bino o pulos tubig apan ang bino nga sagolan ug tubig tam-is ug lamian. Mao usab ang usa ka maayong sugilanon nga maayong pagkasulat, maghatag ug kalipay kanila nga mobasa niini. Ako kining taposon dinhi.