1Ayaw pagsalig sa imong bahandi. Ayaw pag-ingon, “Wala na ako magkinahanglan sa uban.”
2Ayaw paghunahuna nga kinahanglang imohon ang tanan nga imong gusto ug unya gamiton mo ang imong kusog diha sa pagpanlimbasog sa pagkab-ot niini.
3Ayaw paghunahuna nga dili ka mailalom sa awtoridad ni bisan kinsa. Kon imo kining himoon, ang Ginoo sa walay duhaduha mosilot kanimo.
4AyawEcc. 8:11. paghunahuna nga makahimo ikaw pagpakasala ug unya walay mahitabo kanimo. Sa madugay ug sa madali silotan ka gayod sa Ginoo.
5Ayaw pagsiguroa sa hilabihan ang pasaylo sa Ginoo nga tungod niini magpadayon ka sa pagpakasala.
6Ayaw paghunahuna nga ang iyang kaluoy hilabihan kadako nga pasayloon niya ang imong mga sala bisan unsa kini kadaghan. Tinuod nagpakita siya sa kaluoy apan nagpakita usab siya sa iyang makalilisang nga kapungot alang sa mga makasasala.
7Balik ngadto sa Ginoo sa walay langan. Ayaw kini ugma-ugmaa. Ang iyang kasuko mahimo nga moabot diha kanimo sa hinanali ug mamatay ikaw ubos sa iyang silot.
8Ayaw pagsalig sa dili matarong nga kadato kay dili kini magpulos kanimo sa adlaw unya sa katalagman.
Ang Pagkamatinud-anon ug ang Pagpugong sa Kaugalingon9-10Siguroa ang mahitungod sa imong gituohan ug pabiling lig-on diha sa imong gisulti. Ayaw pagsulay sa pagpahimuot sa tanan o pagpahiuyon sa tanang mga butang nga isulti sa mga tawo.
11Pag-andam kanunay sa pagpamati apan ayaw pagdalidali pagtubag.
12Tubag lamang kon nahibalo ikaw unsay imong isulti. Apan kon wala ikaw mahibalo unsa ang isulti, pagpakahilom.
13Ang pagsulti makadala kanimog kadungganan o kaulawan; ang imong isulti mahimo nga makadaot kanimo.
14Ayaw itugot nga mahimo kang usa ka manglilibak ug ayaw pagpanugilon niadtong makadaot sa mga tawo. Maingon nga ang mga kawatan mag-antos sa kaulaw, ang mga bakakon usab mag-antos sa dakong silot.
15Ayaw pagbuhat sa bisan unsa nga makadaot, dako man kini o gamay.
Who We AreWhat We EelieveWhat We Do
2025 by iamachristian.org,Inc All rights reserved.
