1Kon mahadlokon ikaw sa Ginoo, buhaton nimo kini. Tumana ang Balaod ug makaplagan nimo ang kaalam.
2Mohimamat siya kanimo sama sa usa ka inahan o sa usa ka asawa.
3Hatagan ikaw niya ug kaalam ug kahibalo sama sa kalan-on ug ilimnon.
4Saligi siya aron ka mabuhi ug dili gayod ikaw makatilaw ug kaulawan.
5Himoon ka niya nga mas dungganan kay sa tanan nimong silingan; sa pagsulti nimo diha sa tigom, hatagan ikaw niya sa husto nga mga pulong.
6Makaplagan nimo ang kalipay ug matuod nga kasadya; ang imong ngalan hinumdoman hangtod sa kahangtoran.
7Apan ang mga tawo nga buangbuang o makasasala dili gayod makakita sa kaalam.
8Ang kaalam dili manggilabot sa mapahitas-on nga mga tawo; dili gayod siya mosulod sa panghunahuna sa mga bakakon.
9Dili angay sa usa ka makasasala ang pag-awit ug mga alawiton sa pagdayeg tungod kay ang iyang pagsimba dili man kinasingkasing.
10Ang usa ka awit kinahanglan nga maoy usa ka pagpadayag sa kaalam linamdagan sa Ginoo mismo.
Ang Kabubut-on nga Gawasnon11Ayaw mga butang nga iyang gidumtan.
12Ayaw pagpasangil nga nagpasalaag siya kanimo kay wala siya magkinahanglan sa panabang sa mga makasasala aron matuman ang iyang mga tuyo.
13Ang Ginoo nagdumot sa tanang matang sa pagkadaotan ug kadtong mahadlokon sa Ginoo dili makakaplag ug bisan unsa nga madanihon diha sa daotan.
14Sa sinugdanan, sa pagbuhat sa Ginoo sa mga tawo, gihimo siya sa Dios nga may kagawasan sa pagbuhat sa iyang gusto.
15Kon gusto ka, makahimo ikaw pagtuman sa mga kasugoan sa Ginoo. Makapili ka kon magmatinumanon ka ba kaniya o dili.
16Gibutang niya ang kalayo ug ang tubig diha sa imong atubangan; kab-ota ug kuhaa ang bisan unsa nga imong magustohan.
17Gipapilian kanimo ang kinabuhi ug ang kamatayon; maimo ang bisan unsa nga imong pilion.
18Ang kaalam ug ang gahom sa Ginoo dako gayod ug nakita niya ang tanang butang.
19Nasayod siya sa tanan nga buhaton sa usa ka tawo ug nagbantay siya kanila nga mahadlokon kaniya.
20Wala gayod siya magsugo kang bisan kinsa sa pagpakadaotan o magtugot kang bisan kinsa sa pagpakasala.
Who We AreWhat We EelieveWhat We Do
2025 by iamachristian.org,Inc All rights reserved.
