Zacarias 9 - Cebuano Meaning-Based Bible

Ang Kadaogan sa Juda batok sa Iyang mga Kaaway

1Mao

2Iya usab ang Hamat nga kasikbit sa Hadrac,

ingon man ang Tiro ug ang Sidon, bisag maalamon sila kaayo.

3Naghimog mga panalipod ang Tiro;

nagtigom siyag plata nga sama kadaghan sa abog sa yuta,

ug bulawan ingon kadaghan sa lapok sa kadalanan.

4Apan ang Tiro sakmitan nako sa tanan niyang kabtangan,

ug itambog ngadto sa dagat ang iyang bahandi

ug lamyon sa kalayo ang Tiro.

5Ang

8Magkampo ako sa akong yuta aron mabantayan ko kini,

ug wala nay kaaway nga mosulong niini.

Dili ko na tugotan nga may modaugdaog pa kanila

kay labihan na ang ilang pag-antos.

Umaabot nga Hari

9PagmayaMat. 21:5; Juan 12:15. pag-ayo, O katawhan sa Sion!

Singgit, O katawhan sa Jerusalem!

Moanha kanimo ang imong hari,

moanha nga madaogon ug mapaubsanon nga magkabayog asno—

sa nati sa asno.

10IpalayoSal. 72:8. niya sa Efraim ang karwahi

ug kuhaon gikan sa Jerusalem ang mga kabayong iggugubat.

Balion niya ang mga pana

ug makigdait siya sa kanasoran.

Ang iyang gingharian maglakip sa tanang kadagatan,

gikan sa Suba sa Eufrates

ngadto sa tanang suok sa kalibotan.

Papaulion ang Katawhan sa Dios

11BahinExo. 24:8. usab kanimo,

tungod sa dugo nga giula aron paglig-on sa akong kasabotan uban kanimo,

buhian ko ang imong katawhan nga gipamihag gikan sa mga atabay nga walay tubig.

12Balik sa imong kota,

O mga binihag nga wala kabsig paglaom,

kay iuli ko kaninyo sa doble

ang bahandi nga giilog gikan kaninyo.

13Gibingat ko ang Juda sama sa usa ka pana,

ug gihimo kong udyong ang Efraim.

Gamiton ko daw usa ka espada

ang imong mga anak, O Sion,

batok sa imong mga anak, O Grecia!

14Motungha ang Ginoo sa ibabaw sa iyang katawhan

ug mokilab ang iyang pana daw kilat.

Unya patingogon sa Ginoong Dios ang trumpeta,

ug mosakay siya sa alimpulos gikan sa habagatan.

15Panalipdan sila sa Ginoo nga Labing Gamhanan,

ug ilang lamyon ug tunobtunoban ang ilang mga kaaway.

Maninggit sila sa panggubatan sama sa mga hubog,

ug ulaon nila ang dugo sa ilang mga kaaway;

Mobanaw kini sama sa dugo sa mananap nga gihalad

nga gibubo diha sa halaran gikan sa panaksan.

16Niadto unyang adlawa luwason ni Yahweh nga ilang Dios ang iyang katawhan

kay sila iya mang mga karnero;

unya sama sa mga alahas diha sa usa ka korona,

mogilak sila diha sa iyang yuta.

17Pagkatahom unya niining sud-ongon!

Tungod sa kadaghag abot sa kaumahan

mahimsog ang mga batan-ong lalaki,

ug magmaya ang mga batan-ong babaye tungod sa bag-ong bino.