1Mipauli ako sa amo balik sa akong asawa nga si Ana ug sa akong anak nga si Tobias. Sa Kasaulogan sa Ting-ani nga gitawag usab ug Kasaulogan sa mga Semana, giandaman ako ug lamiang pagkaon ug milingkod ako aron sa pagkaon niini.
2SaExo. 23:16. pagkakita nako sa daghang pagkaon nga gibutang sa lamisa, giingnan ko si Tobias, “Anak, lakaw ug pangitag kauban natong Judio nga kabos dinhi sa Ninibe, kanang nagtuman sa mga balaod sa Dios. Dad-a siya nganhi aron makaambit siya niining pagkaon sa kasaulogan uban kanato. Dili ako mosugod sa pagkaon hangtod nga mahibalik ka.”
May Gipatay didto sa Ninibe3Busa migula si Tobias aron pagpangita ug mga kabos nga Judio. Apan nahibalik dayon siya nga nagsinggit. “Tay! Tay!”
Nangutana ako, “Ngano? Unsay nahitabo?”
“Usa ka igsoong Judio ang bag-o lang gipatay. Gituok siya ug gilabay ang iyang lawas didto sa tiyanggihan!”
4Mitindog dayon ako ug gibiyaan ko ang lamisa sa walay bisan pagtilaw sa akong pagkaon. Gikuha ko ang lawas didto sa dalan ug gidala ko kini ngadto sa usa ka payag ug gibilin ko kini hangtod sa pagsalop sa adlaw una pa kini nako gilubong.
5UnyaNum. 19:11-13. mipauli ako sa amo ug naligo aron mahinlo ako. Sa dakong kasubo nanihapon ako.
6MayAmos 8:10. nahinumdoman ako sa gisulti ni propeta Amos ngadto sa katawhan sa Betel nga nag-ingon,
“Ang inyong mga kasaulogan
mahimong mga panahon sa kasub-anan,
ug ang inyong masadya nga mga awit
mahimong mga pagbangotan.”
Ug mihilak ako.
7Sa pagsalop na sa adlaw, migula ako, nagkalot ug lubnganan ug gilubong ko ang patayng lawas sa tawo.
8Gikataw-an ako sa akong mga silingan ug giingnan, “Wala ka ba gayod makakat-on? Dili ba gipangita na man ikaw kaniadto tungod sa paglubong mo sa mga minatay ug patyon na unta ikaw kon wala ka pa molayas? Apan karon nagbuhat na usab ikaw sa mao gihapong butang!”
Nabuta si Tobit9Niadtong gabhiona natulog ako sa gawas sa among balay duol sa paril. Alimuot kadtong gabhiona ug wala nako taboni ang akong ulo.
10Didto sa paril may mga langgam nga sayaw tungod gayod sa akong nahimutangan apan wala ako mahibalo niini. Ang ilang init pa nga iti nahulog sa akong mga mata ug nakahimo ug usa ka puti nga habolhabol nga mitabon sa akong mata. Miadto ako sa nagkalainlaing doktor apan sa nagdugang ang ilang pagtambal kanako, misamot hinuon ug kadaot ang akong mata hangtod nga nabuta na gayod ako.
Sulod sa upat ka tuig wala gayod akoy makita. Ang akong mga paryenti naguol pag-ayo tungod niining akong kahimtang ug si Ahikar maoy nagbuhi kanako sa wala pa siya moadto sa yuta sa Elam.
Away sulod sa Banay11Sa mibiya na si Ahikar, ang akong asawa nga si Ana napugos sa pagtrabaho. Busa nanghabol siya ingon sa gibuhat sa daghang mga babaye.
12Ang mga tawo nga iyang gitrabahoan mosuhol kaniya inighatag niya sa iyang hinabol. Usa ka adlaw niana, nagtabas siya ug usa ka panapton nga nahuman gikan sa hablanan ug gidala kini niya ngadto sa mga tawo nga nagpabuhat niini. Gibayran siya sa tanan ug gipakapinan pa gayod siyag kanding.
13Sa pagpauli ni Ana nga nagdala sa kanding, mibahihi kini. Miingon ako, “Diin man gikan kanang kandinga? Imo tingali kanang kinawat, no? Iuli dayon kana ngadto sa mga tag-iya. Dili maayo nga magkaon kitag kinawat.”
14Mitubag siya, “Dili uy! Gihatag kini kanako isip usa ka gasa pakapin sa suhol kanako.” Apan wala ko siya tuohi ug namula ako sa kaulaw tungod sa iyang gibuhat. Gisugo ko siya nga iuli ang kanding ngadto sa mga tag-iya niini apan ang iya gayod maoy natuman. Misinggit siya, “Karon nakita na nako unsa gayod ikaw. Hain na man kanang imong pag-alima sa uban? Unsa may sangpotanan sa mga maayong buhat nga imong gihimo?”
Who We AreWhat We EelieveWhat We Do
2025 by iamachristian.org,Inc All rights reserved.
