1Bulahan ang tawo nga dili gayod magpatakag sulti ug dili kinahanglan nga siya mobati nga sad-an.
2Bulahan ang tawo nga may tin-aw nga konsensya ug dili gayod kawad-an sa paglaom.
Ang Husto nga Paggamit sa Kadato3Dili angayan nga ang usa ka tawo nga hakog madato. Unsa may kapuslanan sa salapi alang sa usa ka tawo nga tihik?
4Kon magdaginot ka aron magtigom ug bahandi, nagtigom lamang ikaw niini alang sa laing tawo. Ang laing mga tawo maoy mogamit sa imong kadato diha sa pagpuyog kinabuhi sa kaluho.
5Nganong magmanggihatagon ka man sa uban kon tihik ka sa imong kaugalingon ug dili buot nga mopahimulos sa imong kaugalingong kadato?
6Walay tawo nga mas daotan pa kay kaniya nga tihik alang sa iyang kaugalingon. Mao kini usa ka sala nga nagdala sa iyang kaugalingong silot.
7Kon ang maong tawo maghimo ug usa ka butang nga maayo, kini sulagma lamang. Ang iyang kahakog sa madugay o sa madali makita gayod.
8Ang tawong hakog maoy usa ka tawo nga daotan; talikdan niya ang mga kinahanglan sa mga tawo
9ug dili gayod siya matagbaw sa anaa kaniya. Ang kahakog makapakupos sa kalag.
10May mga tawo nga hilabihan katihik nga dili gani sila magbutang ug pagkaon sa ilang kaugalingong lamisa.
11Anak, atimana ang imong kaugalingon kutob sa labing maayo nga imong mahimo ug pagdala ug angay nga mga halad ngadto sa Ginoo.
12Hinumdomi nga moabot ang kamatayon alang kanimo usa niana ka adlaw ug walay magsulti kanimo anus-a kana mahitabo.
13Sa dili pa kana moabot, kaluy-a ang imong mga higala ug pagmanggihatagon kutob sa imong mahimo.
14Ayaw hikawi ang imong kaugalingon ug kalipay sa tibuok adlaw. Ayaw palabya ang gitinguha mong kaayohan!
15Moabot ra ang adlaw nga ang tanan nimong gihagoan bahinbahinon ug ipanghatag sa uban.
16Busa pagmanggihatagon apan ikalipay usab ang pagdawat gikan sa uban. Paglipay kay dili ka makakitag kalipay didto sa kalibotan sa mga patay.
17Ang lawas sa tawo madugta sama sa panapton. Ang karaang balaod nagsugo nga kinahanglan nga kita mamatay.
18Ang mga tawo sama sa mga dahon sa malambo nga kahoy. May bag-ong mga salingsing nga mopuli sa mga dahon nga natagak; samtang ang uban kanato mamatay, may uban usab nga matawo.
19Matag butang nga hinimog tawo madunot ug mawagtang kuyog sa tawo nga nagbuhat niini.
Ang Kalipay sa Paghupot ug Kaalam20BulahanPan. 8:32-35. kadtong mga tawo nga nagtagad sa kaalam ug naggamit sa maayong panghunahuna.
21Bisan kinsa nga nagtuon sa mga paagi sa kaalam makakat-on usab sa iyang mga sikreto.
22Pangitaa ang kaalam sama nga ang usa ka mangangayam nangita ug mananap.
23Dungaw sa iyang mga bintana ug pamati diha sa iyang mga pultahan.
24Tukora ang imong tolda duol sa iyang balay
25ug makakita ikaw ug usa ka maayong dapit nga puloy-anan.
26-27Tukora didto ang imong balay nga walay kahadlokan ubos sa iyang nagpandong nga mga sanga ug linandongan batok sa kainit sa adlaw.
Who We AreWhat We EelieveWhat We Do
2025 by iamachristian.org,Inc All rights reserved.
