1-3Si sa Juda sa dihang nakuha ang Jerusalem ni Hari Nabucodonosor sa Babilonia. Si Mardoqueo anak ni Jair, usa ka kaliwat ni Kis ug ni Simei. Karon nagpuyo siya sa siyudad sa Susa sa Persia diin siya usa ka importante nga opisyal sa palasyo ni Ahasuero, ang gamhanang hari.
Sa ikaduhang tuig sa paghari ni Ahasuero, sa unang adlaw sa bulan sa Nisan, si Mardoqueo adunay usa ka damgo.
4Nagdamgo siya nga adunay usa ka kasaba ug kasamok, kusog nga dalugdog, ug linog nga inubanan sa kaguliyang sa yuta.
5Unya may mipakita nga duha ka dagko nga dragon, andam sa pagbinugnoay.
6Naghimo silag usa ka makalilisang nga kasaba ug ang tanang mga nasod nangandam sa pagpakiggubat batok sa nasod sa Dios sa mga tawo nga matarong.
7Alang sa kalibotan mao kadto ang usa ka adlaw sa kangitngit ug kangiob, kagubot ug kaguol, kalaglagan ug kagun-oban.
8Ang tanang matarong nga katawhan sa Dios naguol ug nahadlok sa hilabihan unsa ang hapit nang mahitabo kanila. Andam na sila nga mamatay
9apan nagpakitabang sila sa Dios. Sa maong damgo ang ilang pag-ampo gitubag pinaagi sa usa ka dakong suba nga nag-agas gikan sa usa ka gamay nga tubod.
10Unya mibanagbanag, misubang ang adlaw ug ang mapaubsanon nga katawhan nahimong makusganon, ug gilaglag nila ang ilang garbosong mga kaaway.
11Nahigmata si Mardoqueo sa iyang damgo diin nakita niya ang gilaraw nga buhaton sa Dios. Naghunahuna siya niini sa tibuok adlaw ug naninguha siya sa pagsabot unsa ang kahulogan niadto.
Giluwas ni Mardoqueo ang Kinabuhi sa Hari12Samtang nagpahulay si Mardoqueo didto sa patyo sa palasyo diin nagguwardiya ang duha sa mga yunuko sa hari nga si Gabata ug si Tarra,
13nadunggan niya sila nga naglaraw sa paghimog daotan. Gipamati niya pag-ayo ang ilang gisulti ug hisayran niya nga naglaraw sila sa pagpatay sa hari. Busa si Mardoqueo miadto kang Hari Ahasuero ug gitug-anan niya ang hari mahitungod sa daotang laraw sa duha ka yunuko.
14Nagsugo ang hari nga sukitsukiton sila ug sa dihang mitug-an sila, gidala sila sa gawas ug gipatay.
15Nagsugo ang hari nga himoon ang usa ka saysay niini didto sa opisyal nga mga talaan ug nagsulat usab si Mardoqueo ug kasaysayan mahitungod niini.
16Unya gitudlo sa hari si Mardoqueo ngadto sa usa ka katungdanan sa palasyo ug gihatagan siyag daghang mga gasa agig ganti tungod sa iyang nabuhat.
17Apan si Haman nga anak ni Amadati ug usa ka taga-Bougia nga tinahod sa hari, nagtinguha sa pagsamok kang Mardoqueo ug sa iyang katawhan nga mao ang mga Judio tungod kay si Mardoqueo man ang hinungdan sa kamatayon sa duha ka yunuko.
Who We AreWhat We EelieveWhat We Do
2025 by iamachristian.org,Inc All rights reserved.
