1SiJos. 1:1–11:23. Josue nga anak ni Nun maoy usa ka bantogan nga sundalo ug ang sunod sa mga propeta human kang Moises. Nagkinabuhi siya subay sa kahulogan sa iyang ngalan ingon nga bantogang manluluwas sa pinili nga katawhan sa Ginoo. Gibuntog niya ang mga kaaway nga misulong kanila aron ang Israel makapanag-iya sa iyang yuta.
2Pagkaanindot sa iyang pagbakyaw sa iyang bukton ug sa iyang pag-una sa mga pagsulong ngadto sa mga siyudad.
3Walay nakasukol kaniya; nakig-away siya sa usa ka balaan nga gubat alang sa Ginoo.
4Hinumdomi giunsa niya pagpahunong ang adlaw ug giunsa niya paghimo sa usa ka adlaw nga ingon ug duha.
5Sa diha nga ang iyang mga kaaway naghulga kaniya sa tanang dapit, nag-ampo siya sa makagagahom nga Ginoo nga Labing Halangdon ug ang iyang pag-ampo gitubag pinaagi sa usa ka ulan sa tibug-ok nga yelo nga ang kusog makalaglag.
6Mipabunok ang Ginoo sa tibug-ok nga yelo ngadto sa kaaway ug iya silang gilaglag didto sa agianan sa Bet Horon aron ang mga nasod makaamgo unsa ka gamhanan si Josue sanglit nakig-away man siya ingon nga usa ka mainitong sumusunod sa Ginoo.
Si Caleb7SiNum. 14:6-10; 11:21; Jos. 14:6-11. Josue maunongon samtang buhi pa si Moises, siya ug si Caleb nga anak ni Jefone. Mibarog sila batok sa tibuok katilingban ug gipahunong nila ang walay igabalos nga pagbagulbol sa katawhan ug gipugngan ang ilang pagpakasala.
8Sa 600,000 ka Israelita nga miasdang latas sa kamingawan, kining duha lamang maoy giluwas ug gitugotan sa pagsulod sa tabunok ug tambok nga yuta nga gihatag kanila.
9Ang Ginoo naghimo kang Caleb nga kusgan ug sa natigulang na siya, may igo pa siyang kabaskog sa pagtungas ngadto sa kabungtoran ug pag-angkon niini alang sa iyang kaugalingon ug sa iyang mga kaliwat.
10Unya ang tibuok Israel nakakita unsa ka maayo ang pagsunod sa Ginoo.
Ang mga Maghuhukom11UnyaMag. 1:1–16:31. dihay mga maghuhukom nga nahimong bantogan. Wala gayod sila mosimba sa mga diosdios ug wala gayod mobiya sa Ginoo.
12Hinaot unta nga hinumdoman ang ilang mga ngalan sa tanang panahon. Hinaot unta nga kining mga tawhana nga atong gipasidunggan mobangon gikan sa ilang lubnganan ngadto sa usa ka bag-ong kinabuhi diha sa ilang mga kaliwat!
Si Samuel13Si1 Sam. 3:19-20; 7:9-11; 10:1; 12:3; 16:13; 28:18-19. Samuel gihigugma sa Ginoo. Sa iyang pagkapropeta sa Ginoo, gitukod niya ang gingharian ug gitudlo ang mga hari alang sa katawhan.
14Gihukman niya ang nasod subay sa Balaod sa Ginoo ug ang Ginoo nanalipod sa Israel.
15Tungod kay si Samuel matinumanon man, gidawat siya nga usa ka tinuod nga propeta. Ang mga tawo misalig kaniya ingon nga usa ka propeta nga nagsulti sa pulong sa Dios.
16Sa diha nga gihulga siya sa iyang mga kaaway sa tanang dapit, gisangpit niya ang gamhanan nga Ginoo ug naghalad ngadto kaniya ug usa ka nating karnero.
17Unya ang Ginoo mipadahunog gikan sa langit sa usa ka gamhanan nga kagahob
18ug gilaglag ang tanang mga hari nga kaaway nga taga-Filistia.
19Sa diha nga hapit na mamatay si Samuel, naghatag siyag mga pasalig atubangan sa Ginoo ug sa dinihogan nga hari nga siya wala gayod makapanghilabot sa katigayonan ni bisan kinsa, bisan gani sa usa ka parisan nga sapatos ug walay misupak kaniya.
20Bisan sa human na siya mamatay, gitagna niya kon unsa ang kamatayon ni Hari Saul. Gikan sa lubnganan misulti siya ingon nga usa ka propeta aron pagpapas sa kadaotan sa iyang katawhan.
Who We AreWhat We EelieveWhat We Do
2025 by iamachristian.org,Inc All rights reserved.
