Judit 8 - Cebuano Meaning-Based Bible

Si Judit, ang Biyuda nga Israelita

1Niadtong panahona, si Judit nakabalita sa hukom ni Uzias. Siya mao ang anak nga babaye ni Merari, ang apo nga babaye ni Uz ug ang apo sa tuhod ni Jose. Ang mga katigulangan ni Jose mao si Uziel, Elcias, Ananias, Gideon, Refaim, Ahitub, Elias, Hilkias, Eliab, Natanael, Salamiel, Sarasadai ug si Israel.

2Ang bana ni Judit mao si Manases, sakop sa samang tribo ug banay. Namatay siya sa ting-ani sa sebada.

3Giataki siya sa kainit sa adlaw samtang didto sa kaumahan, nagtan-aw sa mga mamumuo ug unya namatay siya didto sa higdaanan sa ila sa Betulia. Gilubong siya sa lubnganan sa iyang banay didto sa uma tungatunga sa Dotan ug Balamon.

4Sulod sa tulo ka tuig ug upat ka bulan nagpuyo si Judit nga usa ka biyuda.

5SaMag. 3:20; 2 Hari 4:10. iyang kaguol nagbuhat siya ug payagpayag didto sa atop sa iyang balay ug nagpuyo didto, nagsul-ob siya ug sako.

6Nagpuasa siya sulod niadtong panahona gawas kon gidili ang pagpuasa sama sa adlaw sa dili pa ang Adlaw nga Igpapahulay ug sa maong Adlaw nga Igpapahulay, sa bisperas sa Kasaulogan sa Bag-ong Bulan ug sa adlaw sa maong Kasaulogan ug sa tanan nga mga Kasaulogan nga gituman sa katawhan sa Israel.

7Si Judit usa ka maanyag kaayo nga babaye. Gibinlan siya sa iyang bana ug bulawan ug plata, mga sulugoon ug mga ulipon, mga hayop ug kaumahan. Nagpadayon siya pagdumala sa kayutaan

8ug walay bisan kinsa nga nakasultig daotan batok kang Judit. Siya usa ka babaye nga may dako kaayong pagtahod sa Dios.

Si Judit Nakigtagbo sa mga Kadagkoan sa Lungsod

9Nakabalita si Judit nga nagbagulbol pag-ayo ang mga tawo batok kang Uzias karon nga nagkulang ang tubig ug nakapaluya kanila. Nahibalo siya nga agig tubag sa ilang mga mulo misaad si Uzias sa pagtugyan sa lungsod ngadto sa mga taga-Asiria human sa lima ka adlaw.

10Si Judit misugo ug usa ka ulipon, ang babaye nga nagdumala sa iyang mga patigayon, aron dapiton ngadto sa iyang balay si Uzias, si Cabris ug si Carmis, ang mga kadagkoan sa lungsod.

11Sa pag-abot na sa mga kadagkoan, giingnan sila ni Judit, “Palihog pamati kamo kanako. Kamo ang mga pangulo sa lungsod sa Betulia apan nasayop kamo sa inyong pagsulti sa katawhan sama sa inyong gisulti kanila karong adlawa. Kinahanglang dili kamo maghimo ug usa ka panumpa atubangan sa Dios nga inyong itugyan ang lungsod ngadto sa atong mga kaaway kon ang Ginoo dili motabang kanato sulod sa pipila ka adlaw.

12UnsaDeut. 6:16; Job 38:2. may inyong katungod sa pagsulay sa Dios sama sa inyong gibuhat karong adlawa? Kinsa man kamo nga mopuli sa Dios sa paghikay sa mga kalihokan sa mga tawo?

13Ang Ginoong Makagagahom mao ang inyong gisulayan! Dili ba gayod kamo makakat-on?

14WalayRom. 11:33-34; 1 Cor. 2:11. paagi nga makasabot kamo unsa ang anaa sa kahiladman sa kasingkasing sa tawo, o makaplagan ninyo unsa ang gihunahuna sa usa ka tawo. Apan bisan pa niana nangahas kamo pagbasa sa hunahuna sa Dios ug paghubad sa iyang mga hunahuna! Unsaon man ninyo pag-angkon nga makasabot kamo sa Dios, ang Magbubuhat? Dili, mga higala ko. Kinahanglan hunongon ninyo ang pagpukaw sa kapungot sa Ginoo nga atong Dios!

15Kon mohukom siya sa dili pagtabang kanato sulod sa lima ka adlaw, motabang pa gihapon siya kanato sa laing panahon nga iyang pagabut-an o mahimo nga ipalaglag kita niya sa atong mga kaaway.

16Apan kinahanglan dili kamo magbutang ug mga kondisyon alang sa Ginoo nga atong Dios! Naghunahuna ba kamo nga sama siya sa usa kanato? Naghunahuna ba kamo nga makahangyo kamo kaniya o makapugos kaniya sa paghimo ug usa ka hukom?

17Dili! Hinuon, kinahanglan nga pangayoon ta sa Dios ang iyang panabang ug magpaabot kita nga mapailubon kaniya aron hukman kita niya. Kon buot siya, tubagon niya ang atong pangaliya.

18Wala kita magsimba sa mga dios nga binuhat sa mga tawo. Walay usa sa atong mga banay, tribo, mga lungsod, mga siyudad nga makahimo niana bisan tuod ang atong mga katigulangan naanad sa pagbuhat niana.

19Mao kini hinungdan nga ang Dios nagtugot nga patyon sila sa ilang mga kaaway ug sakmitan sa tanan nga ilaha. Mao kadto ang usa ka dakong kapildihan!

20Apan kay wala kitay laing Dios nga gisimba gawas sa Ginoo, makalaom kita nga dili siya mosalikway kanato o kang bisan kinsa sa atong katawhan.

21“Kon mailog sa kaaway ang atong lungsod, ang tibuok kayutaan sa Juda mapukan ug sakmitan ang atong Templo sa Jerusalem ug pabayron kita sa Dios pinaagi sa atong kinabuhi tungod kay mitugot man kita nga pasipad-an ang Templo.

22Kitay patubagon niya sa kamatayon ug pagkabihag sa atong katawhan ug sa paglaglag sa yuta nga atong napanunod. Yam-iran kita ug bugalbugalan sa mga tawo niadtong mga nasod diin kita maulipon.

23Dili kita makakuhag pabor gikan sa atong mga kaaway pinaagi sa pag-ampo karon kanila. Kon moampo kita, pakaulawan kita sa Ginoo nga atong Dios.

24“Busa, mga igsoon, kinahanglan maghatag kitag panig-ingnan sa atong mga katagilungsod. Dili lamang ang ilang mga kinabuhi kondili ang kaugmaon sa Templo ug sa altar nag-agad kanato.

25Ang Ginoo nga atong Dios nagsulay kanato, sama nga gisulay niya ang atong mga katigulangan ug kinahanglan magpasalamat kita tungod niana.

26HinumdomiGen. 22:1-18; 29:1–31:55. giunsa niya pagsulay si Abraham ug si Isaac ug unsa ang nahitabo kang Jacob samtang nagtrabaho siya nga usa ka magbalantay sa karnero alang sa iyang uyoan nga si Laban didto sa Mesopotamia.

27Ang Dios wala magsulay sa atong pagkamaunongon sama kahigpit sa iyang gihimo kanila. Ang Dios wala magpadala niining silota nganhi kanato ingon nga panimalos kondili ingon nga usa ka pasidaan kanato nga nagasimba kaniya.”

28Unya gitubag ni Uzias si Judit, “Makatarunganon ang tanan nga imong gisulti ug walay makalalis niini.

29Dili kay karon ka pa nagpakita ug kaalam. Sukad sa gamay ka pa, kaming tanan nag-ila sa kaayo ug kahingkod sa imong panghukom.

30Apan ang atong katawhan nangamatay na sa kauhaw. Sila ang nakapugos kanamo sa pagsulti ingon sa among nahimo ug sa paghimo ug usa ka panumpa nga dili namo masupak.

31Busa karon kay ikaw babaye nga may dakong pagsalig sa Dios, pag-ampo alang sa atong lungsod ug pangayoa sa Ginoo nga padad-an ug ulan ang atong mga atabay aron mahibalik ang atong kusog.”

32Mitubag si Judit, “Sigi, magbuhat ako ug butang nga dili gayod hikalimtan sa katawhan nga Judio.

33Karong gabii, kinahanglan nga kamong tulo magguwardiya sa ganghaan aron ako ug ang akong ulipon nga babaye makagula sa lungsod. Ug sa dili pa moabot ang adlaw nga inyong gisaad sa pagtugyan ngadto sa mga kaaway, ang Ginoo maggamit kanako aron pagluwas sa katawhan sa Israel.

34Apan kinahanglan dili kamo mangutana kanako unsa ang akong buhaton. Isaysay ko ra kini kaninyo kon kini mahuman na.”

35Si Uzias ug ang ubang mga kadagkoan miingon kaniya, “Uyon kami sa imong buhaton. Hinaot unta nga ang Ginoo nga atong Dios maggiya kanimo sa imong pagpanimalos batok sa atong mga kaaway.” Unya mibiya sila sa payagpayag ni Judit didto sa atop ug namalik sa ilang mga puwesto.